Kynningarstarf innanlands og utan

Miðstöðin stuðlar að aukinni útbreiðslu íslenskra bókmennta erlendis með kynningum á helstu bókasýningum og fleiru

Eitt meginhlutverk Miðstöðvar íslenskra bókmennta er að kynna íslenskar bókmenntir hér á landi og erlendis og stuðla að aukinni útbreiðslu þeirra.

Kynningarstarf Miðstöðvar íslenskra bókmennta felst m.a. í þátttöku í helstu bókasýningum erlendis þar á meðal árlegum stórum bókasýningum í London, Frankfurt og Gautaborg þar sem m.a. er kynntur bókalisti með ýmsum verkum, verðlaunum og viðurkenningum höfunda fyrra árs. Miðstöðin á einnig gott og gjöfult samstarf við systurstofnanir á Norðurlöndunum (NordLit) um ýmis verkefni og viðburði sem efla sýnileika og útbreiðslu bókmenntanna. Jafnframt hefur Miðstöð íslenskra bókmennta samstarf við sendiráð Íslands um allan heim um kynningu á íslenskum bókmenntum, höfundum og þýðendum.

Að auki greiðir Miðstöð íslenskra bókmennta götu höfunda með styrkjum til kynningarferða erlendis og býður upp á dvalar- og ferðastyrki fyrir þýðendur úr íslensku í samstarfi við Rithöfundasamband Íslands. Hér má finna frekari upplýsingar um alla styrki Miðstöðvarinnar. Einnig styður Miðstöðin bókmenntakynningu og bókmenningu innanlands með samstarfi við aðra innlenda aðila og með sérstökum átaksverkefnum, eins og Allir lesa og fleira.

Miðstöð íslenskra bókmennta sendir reglulega frá sér fréttabréf á íslensku og ensku. 

22135400_1479405822136184_7870211074434027044_o 22195620_1479441085465991_2089553138898280502_n
 22104600_1479409325469167_7501519922057236233_o  Frankfurt-logo-2017

LBF_2017_logo_blue_background

 
     22104583_1479407292136037_3521314512421127515_o
   22179697_1479408212135945_2870538530187832293_o  Frankfurt-buchmesse