Fréttir

Bókasýningin í Frankfurt haldin dagana 11. - 15. október. Frakkland er heiðursgestalandið í ár.

Miðstöð íslenskra bókmennta sækir hana að venju til að kynna útgefendum, umboðsmönnum og fleirum íslenskar bókmenntir. Íslenski básinn er númer 5.0 B82.

27.9.2017

Frankfurt-buchmesseMiðstöð íslenskra bókmennta sækir að venju Bókamessuna í Frankfurt í Þýskalandi í ár og kynnir íslenskar bókmenntir alþjóðlegum útgefendum og umboðsmönnum. Þar verða einnig fjölmargir íslenskir útgefendur en þessi fimm daga alþjóðlega bókamessa er sú stærsta í Evrópu, þó víðar væri leitað.

Íslenski básinn númer 5.0 B82

Miðstöð íslenskra bókmennta verður á íslenska básnum og kynnir þar bækur af kynningarlista Miðstöðvarinnar sem gerður er árlega og veitir upplýsingar um fjölbreytta bókaútgáfu á Íslandi.

Bókamessan er haldin dagana 11. - 15. október 2017 og hana sækja árlega um 300.000 gestir, en þar koma saman rúmlega 7000 sýnendur frá um 100 löndum til funda og tengslamyndunar og síðast en ekki síst, til að kaupa og selja bækur. 

IMG_4848Frakkland er heiðursgestur 2017Gestaskalinn

Á hverju ári er eitt land heiðursgestur Bókamessunnar í Frankfurt sem setur upp sýningarskála þar sem fjöldi viðburða fer fram á meðan á messunni stendur. Í ár er það Frakkland og verða franskar bókmenntir og viðburðir fyrirferðamikil á messunni.
Heiðursgestur í fyrra var Holland og Flæmingjaland og hér til hliðar eru myndir frá sýningarskála þeirra.

Árið 2011 var Ísland heiðursgestur messunnar og vakti íslenski skálinn mikla athygli.

Félag íslenskra bókaútgefenda hefur veg og vanda af íslenska básnum í Frankfurt, sem er númer 5.0 B82 og eru allir velkomnir!

Frankfurt-logo-2017