Fréttir

Miðstöð íslenskra bókmennta á bókamessunni í London 14.-16. mars

Miðstöð íslenskra bókmennta verður með systurstofnunum á Norðurlöndunum á bókamessunni líkt og undanfarin ár. Básinn er númer 6F70.

22.2.2017

Norraeni-basinn

Miðstöð íslenskra bókmennta á samnorrænum bás í London

Líkt og undanfarin ár standa bókmenntakynningarstofur Norðurlandanna nú að sameiginlegum bás á bókamessunni í London. Miðstöð íslenskra bókmennta verður þar auk Norla í Noregi, Fili í Finnlandi, Farlit í Færeyjum, Swedish Arts Council/Statens Kulturrad í Svíþjóð og Slots- og kulturstyrelsen/The Danish Arts Council í Danmörku.

Books-from-Iceland-2017---mynd

Nýr bókalisti kynntur í London

Í kynningarstarfi Miðstöðvar íslenskra bókmennta (Míb) í London verður lögð áhersla á lista yfir bækur frá liðnu ári, en Miðstöðin hefur gert sambærilega lista undanfarin fjögur ár, líkt og tíðkast hjá systurstofnunum erlendis. Lista fyrri ára má finna hér. Á listanum í ár má m.a. finna nýjar bækur, verðlaunabækur síðasta árs, bækur eftir unga, upprennandi höfunda og bækur sem nýlega hafa verið seldar erlendum útgefendum á síðasta ári. Listinn verður kynntur í London.

London-Book-Fair---yfirlitsmynd

Fjöldi spennandi viðburða í Olympia

Bókamessan í London er nú haldin í 46 sinn. Sýningarsvæði bókasýningarinnar í ár verður í Olympia, vestur London. Sýnendur eru frá öllum heimshornum og um 25.000 fagaðilar á bókasviði frá 124 löndum sækja sýninguna á ári hverju. Einnig er fjöldi ráðstefna, fyrirlestra og pallborðsumræða haldinn í tengslum við sýninguna eða rúmlega hundrað og fjörutíu viðburðir. Sjá nánar á http://www.londonbookfair.co.uk

Básinn er númer 6F70

Norræni básinn á bókasýningunni í London er númer 6F70. Við hlökkum til að taka þar á móti unnendum íslenskra bókmennta og öllum þeim sem vilja kynnast þeim betur.

GMB-og-HHLBF_2017_logo_blue_background