Yrsa tilnefnd til Shamus verðlaunanna
Sér grefur gröf eftir Yrsu Sigurðardóttur er tilnefnd til Shamus-glæpasagnaverðlaunanna í ár.
Bókaútgáfan Veröld segir frá því á vef sínum að bók Yrsu Sigurðardóttur, Sér grefur gröf, sé tilnefnd til Shamus - glæpasagnaverðlaunanna í ár. Þetta er eina þýdda glæpasagan sem hlýtur tilnefningu í ár.
Að verðlaununum standa samtök bandarískra glæpasagnahöfunda. Þau eru veitt fyrir glæpasögur þar sem einkaspæjarar eru í aðalhlutverkum. Um miðjan október kemur í ljós hver hlýtur verðlaunin. Meðal verðlaunahafa sem hafa hlotið Shamus verðlaunin má nefna Sue Grafton, Michael Connelly og Dennis Lehane.
Sjá nánar um tilnefninguna á vef Veraldar.