Miðstöð íslenskra bókmennta úthlutar útgáfustyrkjum 2013
Bækur um torfhús, málshætti og galdraskræður auk rafrænna tímarita eru meðal þeirra sem hljóta útgáfustyrki.
Alls bárust að þessu sinni 115 umsóknir um útgáfustyrki frá 62 aðilum og var sótt um 108.600.000 milljónir króna. 20.4 milljónum var úthlutað til 42 útgáfuverkefna.
Meðal þeirra verka sem hlutu útgáfustyrki í ár eru:
§ Af jörðu. Torfhús í íslensku landslagi eftir Hjörleif Stefánsson (Útgefandi: Crymogea)
§ Landbúnaðarsaga Íslands eftir Jónas Jónasson og Árna Daníel Júlíusson (Útgefandi: Skrudda)
§ Orð að sönnu – yfirlitsrit íslenskra málshátta eftir Jón G. Friðjónsson (Útgefandi: Forlagið)
§ Vatnið í náttúru Íslands eftir Guðmund Pál Ólafsson (Útgefandi: Forlagið)
§ Reykvíkingar V-VI eftir Þorstein Jónsson (Útgefandi: Sögusteinn ehf.)
§ Skíðblaðnir – bókmenntatímarit (Útgefandi: Syrpa ehf.)
§ FF(W)D? – samtímarit um tónlist (Útgefendur: Gunnar Karel Másson og Tinna Þorsteinsdóttir)
Hér í viðhengi er yfirlit yfir alla útgáfustyrki 2013 á pdf-formi.
Miðstöð íslenskra bókmennta veitir einnig styrki til þýðinga úr erlendum málum á íslensku og nýræktarstyrki en þeim er ætlað að hvetja til útgáfu á nýjum íslenskum skáldskap. Upplýsingar um alla styrki sem Miðstöð íslenskra bókmennta veitir má finna hér.