Fréttir

Íslensku bókmenntaverðlaunin afhent í 25. sinn

30.1.2014

Íslensku bókmenntaverðlaunin fyrir árið 2013 voru afhent á Bessastöðum í dag. Í nýjum flokki barna- og unglingabóka hlaut Andri Snær Magnason verðlaunin fyrir skáldsöguna Tímakistan, sem gefin er út af Máli og menningu. Í flokki fagurbókmennta hlaut Sjón verðlaunin fyrir skáldsöguna Mánasteinn: Drengurinn sem aldrei var til, sem gefin er út af JPV. Í flokki fræðirita og bóka almenns efnis hlaut verðlaunin Guðbjörg Kristjánsdóttir fyrir Íslensku teiknibókina sem Crymogea gefur út. 

Þess má geta að þetta er í þriðja sinn sem Andri Snær Magnason hlýtur íslensku bókmenntaverðlaunin en hann hefur áður hlotið verðlaunin í flokki fagurbókmennta fyrir Söguna af bláa hnettinum (1999) og í flokki fræðibóka og bóka almenns efnis fyrir Draumalandið – Sjálfshjálparbók handa hræddri þjóð (2006).

Fjögurra manna lokadómnefnd, sem skipuð var Þorgerði E. Sigurðardóttur bókmenntafræðingi, Guðna Kolbeinssyni bókmenntafræðingi, Þóru Arnórsdóttur og Stefaníu Óskarsdóttur stjórnmálafræðingi, sem jafnframt var formaður nefndarinnar, valdi verðlaunabækurnar en alls voru tilnefndar fimm bækur í hvorum flokki. Tilnefningarnar voru birtar 1. desember síðastliðinn.

Andri Snær

Eftirfarandi bækur voru tilnefndar til verðlaunanna í nýjum flokki barna- og unglingabóka:

Tímakistan eftir Andra Snæ Magnason. Útgefandi: Mál og menning.
Strokubörn á Skuggaskeri eftir Sigrúnu Eldjárn. Útgefandi: Mál og menning.
Brosbókin eftir Jónu Valborgu Árnadóttur og Elsu Nielsen. Útgefandi: Salka
Freyju saga - Múrinn eftir Sif Sigmarsdóttur. Útgefandi: Mál og menning.
Vísindabók Villa eftir Vilhelm Anton Jónsson. Útgefandi: JPV.Sjon

Eftirfarandi bækur voru tilnefndar til verðlauna í flokki fagurbókmennta:

Mánasteinn eftir Sjón. Útgefandi: JPV.
1983 eftir Eirík Guðmundsson. Útgefandi: Bjartur.
Sæmd eftir Guðmund Andra Thorsson. Útgefandi: JPV.
Fiskarnir hafa enga fætur eftir Jón Kalman Stefánsson. Útgefandi: Bjartur.
Dísusaga - Konan með gulu töskuna eftir Vigdísi Grímsdóttur. Útgefandi JPV.



Eftirfarandi bækur voru tilnefndar til verðlauna í flokki fræðirita og bóka almenns efnis:

Íslenska teiknibókin eftir Guðbjörgu Kristjánsdóttur. Útgefandi: Crymogea.
Leiftur á horfinni öld - Hvað er merkilegt við íslenskar fornbókmenntir? eftir Gísla Sigurðsson. Útgefandi: Mál og menning.
Vatnið í náttúru Íslands eftir Guðmund Pál Ólafsson. Útgefandi: Mál og menning.
Fjallabókin eftir Jón Gauta Jónsson. Útgefandi: Mál og menning.
Stangveiðar á Íslandi og Íslensk Vatnabók eftir Sölva Björn Sigurðsson. Útgefandi: Sögur.