Fréttir

Styrkveitingar Miðstöðvar íslenskra bókmennta á fyrri hluta árs 2014

Auk útgáfu- og þýðingastyrkja innanlands og utan hafa smærri styrkir verið veittir til þýðinga á kynningarköflum úr íslenskum verkum og vegna kynningarferða íslenskra höfunda erlendis.

26.6.2014

Miðstöð íslenskra bókmennta hefur á fyrri hluta árs 2014 úthlutað 31 styrk til útgáfu á íslensku að upphæð 15 millj.kr. auk 4 nýræktarstyrkja, sérstakra styrkja til nýrra höfunda, að upphæð 1.000.000 kr. Auk þess hefur verið úthlutað 19 styrkjum til þýðinga á íslensku að upphæð 6 millj.kr. en seinni umsóknarfrestur um styrki til þýðinga á íslensku er 15. nóvember.

Einnig hafa verið veittir 28 styrkir til þýðinga á íslenskum verkum á erlend mál að upphæð 6.600.000 kr. Að auki hafa verið veittir 8 styrkir til þýðinga á íslenskum verkum á norræn mál að upphæð 2.360.000 kr.

Auk útgáfu- og þýðingastyrkja innanlands og utan hafa smærri styrkir verið veittir til þýðinga á kynningarköflum úr íslenskum verkum og vegna kynningarferða íslenskra höfunda erlendis. Hér má finna frekari upplýsingar um styrki Miðstöðvar íslenskra bókmennta.