Fréttir

ALLIR LESA - nú verður blásið til landsleiks í annað sinn, hann hefst á bóndadaginn 22. janúar og lýkur á konudaginn 21. febrúar

Allir lesa er landsleikur í lestri. Leikurinn fer nú fram í annað sinn, að þessu sinni á þorra. Hann hefst á bóndadaginn, föstudaginn 22. janúar og lýkur á konudaginn, sunnudaginn 21. febrúar. Opið fyrir skráningu núna á allirlesa.is

20.1.2016

ALLIR LESA – LANDSLEIKURI Í LESTRI Allir lesa er landsleikur í lestri. Leikurinn fer nú fram í annað sinn, að þessu sinni á þorra. hefst á bóndadaginn, föstudaginn 22. janúar og lýkur á konudaginn, sunnudaginn 21. febrúar.

Allir geta tekið þátt í landsleiknum með því að stofna eða ganga í lestrarlið og skrá lestur sinn á vefinn allirlesa.is. Liðin geta verið stór eða smá, þau geta verið vinnustaðalið, fjölskyldur, vinahópar, leshringir, skólafélagar o.s.frv. Foreldrar eða afar og ömmur sem lesa með börnum sínum geta til að mynda stofnað fjölskyldulið og skráist lesturinn þá bæði á þann sem lesið er fyrir og þann sem les. 

Við hvetjum alla til að taka þátt í landsleiknum með því að stofna vinnustaðalið eða lið með fjölskyldu og/eða vinum. Þess má geta að höfuðborgin kom ekki vel út í síðustu keppni, en þá lenti hún í 23. sæti sveitarfélaga þegar lestur var mældur eftir búsetu. Mest var lesið í Vestmannaeyjum, en Hveragerði og sveitarfélagið Ölfus voru í 2. og 3. sæti. Konur vörðu svo mun meiri tíma í lestur en karlar, eða 72,1% á móti 27,9% hjá körlum. Koma svo strákar! 

Nánar um Allir lesa:

Hvað?                               Landsleikur í lestri

Hver?                                Allir

Af hverju?                         Lestur gerir lífið skemmtilegra. Við eflum hugann með lestri, aukum víðsýni, lærum, tengjumst, ferðumst ….

Skráning?                         Opið fyrir skráningu liða á vefnum allirlesa.is frá og með 15. janúar

Keppnistími?                     22. janúar til 21. febrúar
Hvernig?                           Þú skráir þann tíma sem þú verð í lestur á vefnum allirlesa.is. Talið er í korterum

Hvað má skrá?                 Allan bóklestur, hvort sem lesið er af pappír, spjaldi/skjá eða hlustað á hljóðbækur 

Hvernig bækur?               Allar: skáldverk, fræðibækur, skýrslur eða hvað sem er

Eitt lið, ein bók?               Hver liðsmaður getur lesið það sem hann/hún vill á leiktímabilinu, liðið þarf ekki að lesa sömu bækurnar

Eru verðlaun?                  Já, sigurliðin í hverjum flokki fá bókaverðlaun og veglegar ostakörfur, fyrir utan heiður og ánægju

Miðstöð íslenskra bókmennta og Reykjavík Bókmenntaborg UNESCO standa saman að Allir lesa með styrk frá Mennta- og menningarmálaráðuneytinu.

Hér er veggspjald sem má prenta út og hengja upp á kaffistofum og í rými fyrir gesti:http://allirlesa.is/library/Skrar/Veggspjald%20til%20utprentunar%202016.pdf

Ef spurningar vakna, sendu okkur þá póst á allirlesa@allirlesa.is

Sjá meira um landsleikinn og ská http://allirlesa.is/

ALLIR LESA

     – HVAÐ LEST ÞÚ?