Stjórnarskipti hjá Miðstöð íslenskra bókmennta
Ný stjórn Miðstöðvar íslenskra bókmennta var skipuð í febrúar til næstu þriggja ára.
Ný stjórn Miðstöðvar íslenskra bókmennta var skipuð í febrúar til næstu þriggja ára. Hana skipa sem fyrr fulltrúar tilnefndir af Félagi íslenskra bókaútgefenda, Rithöfundasambandi Íslands og Hagþenki. Formann skipar mennta- og menningarmálaráðherra án tilnefningar.
Ný stjórn Miðstöðvar íslenskra bókmennta var skipuð í febrúar til næstu þriggja ára. Hana skipa sem fyrr fulltrúar tilnefndir af Félagi íslenskra bókaútgefenda, Rithöfundasambandi Íslands og Hagþenki. Formann skipar mennta- og menningarmálaráðherra án tilnefningar.
Hlutverk stjórnar Miðstöðvar íslenskra bókmennta er samkvæmt lögum að ákveða árlega skiptingu ráðstöfunarfjár á fjárlögum milli viðfangsefna hennar og úthluta úr bókmenntasjóði. Hún gerir tillögur til ráðherra um stefnu og helstu áherslur í starfi Miðstöðvarinnar og bókmenntasjóðs til þriggja ára. Hún veitir einnig umsögn um erindi sem ráðuneytið vísar til hennar og getur einnig að eigin frumkvæði beint ábendingum og tillögum um bókmenntamálefni til ráðuneytisins.
Á myndinni er nýja stjórnin. Frá vinstri Kristján Jóhann Jónsson, fulltrúi Hagþenkis, Bryndís Loftsdóttir varaformaður, fulltrúi Félags íslenskra bókaútgefenda, Hrefna Haraldsdóttir, formaður, skipuð af mennta- og menningarmálaráðherra, Sigmundur Ernir Rúnarsson og Salka Guðmundsdóttir fulltrúar Rithöfundasambands Íslands. Hrefna var formaður fyrri stjórnar en aðrir stjórnarmenn eru nýir. Við bjóðum nýja stjórn velkomna til starfa og þökkum um leið fráfarandi stjórn afar vel unnin störf og ánægjulegt samstarf.