Glæsileg ráðstefna um barna- og ungmennabækur í London
Breska tímaritið Bookseller stóð fyrir metnaðarfullri og fjölmennri ráðstefnu þann 27. september sl. í Barbican Center í London, undir yfirskriftinni Keeping Children‘s Books at the Centre of the Universe.
Dagskrá ráðstefnunnar var einstaklega metnaðarfull, fróðleg og skemmtileg. Fyrirlesararnir voru m.a. rithöfundar, útgefendur, ritstjórar, kynningarstjórar, markaðsfólk, sjónvarpsstjórar, tölvuleikjahönnuðir og fleira. Allir fjölluðu á einhvern hátt um barna- og ungmennabækur og afþreyingu barna, lestur, bóksölu, samfélagsmiðlana, sjónvarpsefni, kynningaraðferðir, neyslumynstur ungs fólks og ótalmargt fleira.
Fyrirlesarar í fremstu röð
Dagskrá ráðstefnunnar var einstaklega metnaðarfull, fróðleg og skemmtileg. Fyrirlesararnir voru fjölbreytilegur hópur; m.a. rithöfundar, útgefendur, ritstjórar, kynningarstjórar, markaðsfólk, sjónvarpsstjórar, tölvuleikjahönnuðir og fleira. Hver þeirra talaði í 10-15 mínútur, umræðuefnin voru skýrt afmörkuð og hnitmiðuð og sett fram á skýran og myndrænan hátt. Allir fjölluðu á einhvern hátt um barna og ungmennabækur, afþreyingu barna, lestur, bóksölu, samfélagsmiðlana, sjónvarpsefni, kynningaraðferðir, neyslumynstur ungs fólks og fleira og fleira.
Norrænir útgefendur sérstakir gestir
Þátttakendur voru um 300 talsins og að þessu sinni var sérstaklega boðið norrænum barna og ungmennabókaútgefendum og ritstjórum. Hátt í 40 útgefendur frá Norðurlöndunum tóku þátt ásamt fulltrúum allra norrænu bókmenntamiðstöðvanna, með það fyrir augum að efla tengslin milli norrænna og breskra útgefenda og kynnast því nýjasta sem Bretar eru að gera í sinni barna og ungmennabókaútgáfu. Mikil ánægja var með ráðstefnuna meðal norrænu gestanna. Frá Íslandi mættu Birgitta Elín Hassell frá Bókabeitunni og Sigþrúður Gunnarsdóttir frá Forlaginu auk Hrefnu Haraldsdóttur frá Miðstöð íslenskra bókmennta.
Barnabækur í sókn
Meðal þess sem fjallað var um var um hvernig megi ná til ungra lesenda með því að notfæra sér alla hina miðlana sem ungt fólk notar alla daga á frumlegan og jákvæðan hátt. Sölutölur sýna að barnabækur sækja verulega í sig veðrið á markaðnum og því er lag og almenn bóksala jókst um 24% á síðasta ári. Í ár stefnir í metár í bóksölu í Bretlandi. Í því sambandi var mikið rætt um mikilvægi þess að bækur væru aðgengilegar sem víðast, eins og í matvöruverslunum, því algengasta spurning foreldra og annarra kaupenda er „Hvar get ég keypt bókina?“
Hugsa myndrænt og hugsa stórt
Einnig var rætt um vandaða aðlögun barna og unmennabóka að sjónvarpsmiðlinum og gríðarlegt áhorf á slíkt efni og áhrif þess á börn. Útgefendur voru hvattir til að hugsa myndrænt þegar þeir gefa út barna og ungmennabækur – og jafnframt að hugsa alltaf stórt og á alheimsvísu. Þetta er aðeins brot af því sem til umræðu var á þessari glæsilegu ráðstefnu, en heildardagskrá og nöfn fyrirlesaranna má kynna sér betur hér