Barnabókaútgefendur alls staðar að úr heiminum í Bologna á Ítalíu 3.- 6. apríl
Miðstöð íslenskra bókmennta á norræna básnum C/18, hall 30
Á bókamessunni í Bologna koma saman barnabókaútgefendur hvaðanæva að úr heiminum til að kynna bækur sínar og skoða hvað ber hæst í barnabókmenntum. Miðstöð íslenskra bókmennta er á norræna básnum C/18, hall 30.
Alþjóðleg barnabókamessa
Barnabókamessan í Bologna fer fram dagana 3. - 6. apríl og er það í 54. sinn sem messan er haldin. Þar koma saman helstu barnabókaútgefendur hvaðanæva að úr heiminum til að kynna bækur sínar og skoða hvað ber hæst í barnabókmenntum. Myndskreytingum er gert hátt undir höfði og verða sýningar og málþing um myndskreytingar barnabóka fyrirferðamikil á messunni.
Miðstöð íslenskra bókmennta á norræna básnum C/18, hall 30
Miðstöð íslenskra bókmennta verður á norrænum bás með systurstofnunum sínum á Norðurlöndunum og kynnir þar barnabækur af kynningarlista Miðstöðvarinnar sem valinn er árlega og veitir upplýsingar um barnabókaútgáfu og -höfunda á Íslandi. Í Bologna verða einnig íslenskir útgefendur barnabóka.
Tilkynnt um tilnefningar til barna- og unglingabókmenntaverðlauna Norðurlandaráðs í Bologna
Miðvikudaginn 5. apríl kl. 11 var tilkynnt á messunni í Bologna að Kristín Ragna Gunnarsdóttir og Hafsteinn Hafsteinsson eru tilnefnd fyrir Íslands hönd til barna- og unglingabókmenntaverðlauna Norðurlandaráðs 2017 fyrir bækurnar Úlfur og Edda: Dýrgripurinn og Enginn sá hundinn. Sjá nánar um tilnefningarnar.
Í fyrra hlaut íslenski höfundurinn Arnar Már Arngrímsson þessi eftirsóttu verðlaun fyrir fyrstu bók sína Sölvasögu unglings.