Íslensk skáld í Graz
Nýjasta hefti austurríska bókmenntatímaritsins Lichtungen er helgað íslenskum bókmenntum
Austurríska bókmenntatímaritið Lichtungen fagnar þrjátíu ára afmæli sínu um þessar mundir og er nýjasta hefti þess tileinkað íslenskum bókmenntum. Í ritinu eru birt brot úr verkum eftir rithöfundana Steinar Braga, Erík Örn Norðdahl, Kristínu Eiríksdóttur, Þórdísi Björnsdóttur, Ingólf Gíslason, Kristínu Ómarsdóttur og Sjón.
30. nóvember var haldið upplestrarkvöld í borginni Graz, undir heitinu „Ferne & Nähe“ / „Fjarlægt og nálægt“, til kynningar á heftinu. Steinar Bragi, Eiríkur Örn Norðdahl og Kristín Eiríksdóttir, fulltrúar hins fjarlæga, lásu þar upp úr verkum sínum ásamt austurrískum rithöfunum.