Höfundar
Eðvarð Ingólfsson
Um höfund
Eðvarð Ingólfsson, fæddur árið 1960 í Reykjavík, er barna- og unglingabókahöfundur. Hann útskrifaðist frá Menntaskólanum á Egilsstöðum árið 1981 og lauk guðfræðinámi við Háskóla Íslands árið 1995.
Eðvarð hefur stundað ritstörf jafnhliða námi og öðrum störfum frá árinu 1980. Árin 1981-86 var hann dagskrárgerðamaður hjá Ríkisútvarpinu, á Rás 1 og Rás 2. Hann var blaðamaður hjá barnablaðinu Æskunni 1982-84 og ritdómari á Morgunblaðinu 1990-94. Árin 1991-99 starfaði hann sem ritstjóri Regins, tímarits templara, og var skipaður sóknarprestur í Skinnastaðarprestakalli í Norður-Þingeyjarsýslu árið 1996 og í Garðaprestakalli á Akranesi árið 1997.
Árið 1988 hlaut hann verðlaun Skólamálaráðs Reykjavíkur fyrir bestu frumsömdu barna- og unglingabókina.Skáldverk
Barna- og unglingabækur:
Haltu mér - slepptu mér, 1990: Æskan
Meiriháttar stefnumót, 1988: Æskan
Pottþéttur vinur, 1987: Æskan
Ástarbréf til Ara, 1986: Æskan
Sextán ára í sambúð, 1985: Æskan
Fimmtán ára á föstu, 1984: Æskan
Birgir og Ásdís, 1982, 1994: Æskan
Hnefaréttur, 1981: Æskan
Gegnum bernskumúrinn, 1980, 1991: Æskan
Rit almenns efnis
Ævisögur og endurminningar:
Róbert, ævisaga listamanns. Ævisaga Róberts Arnfinnssonar leikara, 1993: Æskan
Lífssaga Ragga Bjarna, söngvara og spaugara, 1992: Æskan
Árni í Hólminum, engum líkur! Ævisaga Árna Helgasonar, 1989: Æskan
Baráttusaga athafnamanns. Ævisaga Skúla Pálssonar á Laxalóni, 1988: Æskan
Reynir Pétur og Íslandsgangan, 1985: Skálholt
Við klettótta strönd, Mannlífsþættir undan Jökli, 1983: Æskan