„Laxness skrifaði þessa sögu af hikandi frelsisleit árið 1933, í stíl sem var í senn meitlaður, beittur og dæmisagnakenndur,“ segir Nora Gomringer, eitt vinsælasta ungskáld Þýskalands, um Ungfrúna góðu og Húsið.

„Þetta reyndist of mikið fyrir ungan dreng því skyndilega skynjaði ég hræðslu við að verða fullorðinn.“ Norski rithöfundurinn Roy Jacobsen fjallar um upplifun sína af Njálu.

„Hver einasta lína í Svaninum angar af íslensku landslagi,“ skrifaði Milan Kundera í grein um skáldsögu Guðbergs Bergssonar.

Rithöfundar hvaðanæva að úr heiminum hafa hrifist af íslenskum bókmenntum í gegnum tíðina. Þar á meðal er bandaríski rithöfundurinn Jonathan Franzen. Sjálfstætt fólk kom honum til bjargar á erfiðum tímum.