Bernskuheimili rithöfundarins og jesúítaprestsins Jóns Sveinssonar “Nonna” ( 1857-1944) er í dag notalegt safn, í einu elsta húsi Akureyrar, með persónulegri móttöku.

Reykholt í Borgarfirði er einn merkasti sögu- og minjastaður á Íslandi, ekki síst vegna rithöfundarins og fræðimannsins Snorra Sturlusonar, sem bjó þar frá 1206 til 1241. Þar er meðal annars hægt að kynna og rannsaka verk Snorra, miðaldamenningu, sögu staðarins og Borgarfjarðarhéraðs.

Á Skriðuklaustri rekur Gunnarsstofnun menningarsetur í minningu rithöfundarins Gunnars Gunnarssonar. Þar er safn um Gunnar ásamt margvíslegum sýningum og menningarviðburðum sem sækja efnivið í skáldverk hans eða íslenska náttúru og sögu.

Þórbergssetur er byggt til minningar um rithöfundinn Þórberg Þórðarson. Þar er veitingasala, minjagripaverslun og tveir stórir sýningarsalir. Í öðrum salnum eru breytilegar sýningar en í hinum er sýning þar sem gestir fylgja æviferli Þórbergs Þórðarsonar.