Myndskeið
Skemmtileg viðtöl við höfunda, þýðendur, listamenn og fleiri um íslenskar bókmenntir og menningu.
Skemmtileg viðtöl við höfunda, þýðendur, listamenn og fleiri um íslenskar bókmenntir og menningu.
Rúmum 100 árum eftir að breski listamaðurinn W.G.Collingwood fer um vestanvert Ísland, fer Einar Falur ljósmyndari í fótspor hans og tekur ljósmyndir af sömu stöðum og meistarinn málaði.
„Ljósmyndirnar eru fryst augnablik, oft fjórðungur úr sekúndu til tvær sekúndur sem lesin eru inn á filmuna. Það er tíminn sem ég hef varðveitt. Hver var sambærilegur tími í sköpunarferli Collingwoods? Hvað var hann lengi að draga upp og/eða mála hverja mynd?“ Þetta segir ljósmyndarinn og skrásetjarinn Einar Falur Ingólfsson í bók sinni Sögustaðir sem kom út hjá bókaútgáfunni Crymogea nýverið. Í verkinu er að finna ljósmyndir hans við vatnslitamyndir og ljósmyndir William Gershom Collingwoods, sem fór um vestanvert Ísland árið 1897. Hundrað árum síðar fer Einar Falur á sömu staði og tekur ljósmyndir. Þjóðminjasafn Íslands varðveitir 203 verk eftir Collingwood og í tilefni af útgáfu bókarinnar, setti Einar Falur upp sýningu í Bogasal safnsins á nokkrum af verkum Collingwoods og eigin ljósmyndum.
Ljósmyndir úr bókinni Sögustaðir: Einar Falur Ingólfsson
Myndataka / ljósmyndir: Karl R. Lillendahl
Myndataka / samsetning: Þorsteinn J.
Tónlist: Einar Scheving, Cycles