Sálnahulstur

Myndskeið

„Mér finnst að það hljóti að vera margt líkt við að vinna með íslensku handritin og múmíurnar á British Museum,“ segir Gabríela Friðriksdóttir myndlistarmaður.

Hún vinnur nú að sýningu, sem verður opnuð í Schirn Kunsthalle í Frankfurt í lok september. Sýningin ber heitið Crepusculum og er unnin í kringum níu íslensk skinnahandrit, sem Gabríela valdi sjálf.

„Ég valdi þessi handrit eftir því hvernig þau litu út, sem kom fræðimönnunum upp á Árnastofnun svolítið á óvart. Ég sá þau fyrir mér sem einhvers konar hylki, sálnahlustur utan um reynslu og sögu fólks fyrr á tímum. Það tónar fullkomlega við það sem ég er að vinna í í verkinu mínu.“

Myndataka: Bjarni Felix Bjarnason / Þorsteinn J.

Samsetning: Þorsteinn J.