Íslenskar bókmenntir í Basel
Nýlega var haldið bókmenntakvöld í Literaturhaus Basel. Kynnt voru verk þeirra Guðrúnar Evu Mínervudóttur og Eiríks Arnar Norðdahl.
2. mars síðastliðinn var haldið íslenskt bókmenntakvöld í Literaturhaus Basel, og var húsfyllir. Í upphafi kvölds minntist Halldór Guðmundsson Thors Vilhjálmssonar en síðan voru kynnt verk höfundanna Guðrúnar Evu Mínervudóttur og Eiríks Arnar Norðdahl.
Skáldsaga Guðrúnar Evu, Skaparinn, er væntanleg á þýsku, en skáldsaga Eiríks Arnar, Eitur fyrir byrjendur, kom nýlega út í Þýskalandi. Höfundar lásu upp og svöruðu fyrirspurnum, og var góður rómur gerður að.
Þessa daga stendur háskólinn í Basel fyrir ráðstefnu um íslenskar bókmenntir eftir kreppu með þátttöku fjölmargra íslenskra fyrirlesara.
Tengt efni: