Einar Kárason og Gerður Kristný í Kaupmannahöfn
Næstkomandi miðvikudagskvöld kl. 20 munu rithöfundarnir Einar Kárason og Gerður Kristný lesa upp úr og ræða verk sín á Norðurbryggju í Kaupmannahöfn.
Næstkomandi miðvikudagskvöld kl. 20 munu rithöfundarnir Einar Kárason og Gerður Kristný lesa upp úr og ræða verk sín á Norðurbryggju í Kaupmannahöfn. Einar Kárason og Gerður Kristný eiga það sameiginlegt að hafa hver á sinn sérstæða hátt kafað ofaní ríkan bókmenntaarf miðalda og nýtt sér hann við sköpun verka sinna.
Í skáldsögum sínum Óvinafagnaði og Ofsa glímir Einar Kárason við efni frá Sturlungaöld, þar sem lesendur eru færðir inní hringiðu átaka þessarar valdamiklu ættar, sem ríkti á Íslandi á 13. öld. Að sama skapi sækir Gerður Kristný efni í ljóðasafn sitt Blóðhófnir til Skírnismála.
Á Norðurbryggju munu þau lesa úr og kynna þessi verk sín og ræða mismunandi sjónarhorn og nálgun á því að vinna með texta frá miðöldum. Bókmenntakvöldið er fyrsta í röð fjögurra sem Norðurbryggja hefur skipulagt í samstarfi við PILK (Projektgruppen Islandsk Litteratur i København).
Nánari dagskrá um bókmenntakvöldin má finna á heimasíðu Norðurbryggju: www.bryggen.dk