Fréttir

Tilnefningar til Fjöruverðlaunanna 2016 – bókmenntaverðlauna kvenna

Tilnefningar til Fjöruverðlaunanna, bókmenntaverðlauna kvenna, voru tilkynntar miðvikudaginn 2. desember í Borgarbókasafninu í Tryggvagötu. Verðlaun eru veitt í þremur flokkum – fyrir fagurbókmenntir, barna- og unglingabækur og fræðibækur.

3.12.2015

Tilnefningar til Fjöruverðlaunanna, bókmenntaverðlauna kvenna, voru tilkynntar miðvikudaginn 2. desember í Borgarbókasafninu í Tryggvagötu. Hópur kvenna innan Rithöfundasambands Íslands og Hagþenkis stofnuðu til þeirra vorið 2007, til eflingar íslenskum kvenrithöfundum. Verðlaun eru veitt í þremur flokkum – fyrir fagurbókmenntir, barna- og unglingabækur og fræðibækur.

 Í flokki fagurbókmennta voru eftirfarandi verk tilnefnd:

Humátt eftir Guðrúnu Hannesdóttur. Útgefandi: Textasmiðjan.

 

Tvöfalt gler eftir Halldóru K. Thoroddsen. Útgefandi: HKT/1005 Tímaritaröð.

 

Mörk eftir Þóru Karítas Árnadóttur. Útgefandi: JPV / forlagið.

Í dómnefnd voru Ragnheiður Margrét Guðmundsdóttir, íslenskukennari og málfarsráðgjafi hjá RÚV, Salka Guðmundsdóttir, leikskáld og þýðandi og Þórunn Hrefna Sigurjónsdóttir, bókmenntafræðingur og rithöfundur.

Í flokki barna- og unglingabóka voru eftirtalin verk tilnefnd:

 

Vetrarfrí eftir Hildi Knútsdóttur. Útgefandi: JPV / Forlagið.

 

 Koparborgin eftir Ragnhildi Hólmgeirsdóttur. Útgefandi: Bókabeitan. 

 

 Randalín, Mundi og afturgöngurnar eftir Þórdísi Gísladóttur og Þórarin M. Baldursson. Útgefandi: Bjartur bókaforlag.

Í dómnefnd í flokki barna- og unglingabóka voru Halla Sverrisdóttir þýðandi, Júlía Margrét Alexandersdóttir, bókmenntafræðingur og blaðamaður og Þórey Mjallhvít H. Ómarsdóttir, myndskreytir og kvikari.

 Í flokki fræðibóka og rita almenns eðlis voru eftirtalin verk tilnefnd:

 

Rof – Frásagnir kvenna af fóstureyðingum eftir Silju Báru Ómarsdóttur og Steinunni Rögnvaldsdóttur. Útgefandi: Háskólaútgáfan.

 

 Ástin, drekinn og dauðinn eftir Vilborgu Davíðsdóttur. Útgefandi: Mál og menning / Forlagið.

 

 Heiður og huggun – Erfiljóð, harmljóð og huggunarkvæði á 17. öld eftir Þórunni Sigurðardóttur. Útgefandi: Stofnun Árna Magnússonar í íslenskum fræðum. 

Dómnefnd í flokki fræðibóka og rita almenns eðlis skipuðu þær Erla Elíasdóttir Völudóttir, þýðandi, Erna Magnúsdóttir, líffræðingur og Sigurrós Erlingsdóttir, íslenskukennari.