Auglýst eftir verkefnastjóra, umsóknarfrestur til 27. júní
Starfssvið: Umsýsla með styrkveitingum miðstöðvarinnar innanlands og utan; móttaka umsókna, skráning, afgreiðsla, bréfaskipti, samningagerð, umsjón með greiðslum og fleira.
Miðstöð íslenskra bókmennta auglýsir laust starf verkefnastjóra
Starfssvið- Umsýsla með styrkveitingum miðstöðvarinnar innanlands og utan; móttaka umsókna, skráning, afgreiðsla, bréfaskipti, samningagerð, umsjón með greiðslum og fleira.
- Umsjón með kynningarmálum, þar á meðal heimasíðu og gerð fréttabréfa.
- Samskipti við stjórn, ráðuneyti, innlenda og erlenda samstarfsaðila.
- Almenn skrifstofustörf og ýmis verkefni sem miðstöðin annast.
Æskileg menntun, reynsla og færni
- Háskólamenntun og reynsla sem nýtist í starfi
- Mjög góð íslenskukunnátta
- Góð færni í ritvinnslu-, reikni- og vefforritum
- Þekking, innsýn og áhugi á bókmenntum
- Nákvæmni, frumkvæði og metnaður
- Góð skipulagshæfni
- Reynsla og hæfni í miðlun upplýsinga
- Reynsla af erlendu samstarfi
- Góð kunnátta í ensku og Norðurlandamáli
- Lipurð í mannlegum samskiptum
Laun samkvæmt gildandi kjarasamningi fjármálaráðherra og viðkomandi stéttarfélags.
Umsóknarfrestur er til og með 27. júní 2016.
Senda skal starfsferilskrá og kynningarbréf (1 bls) þar sem gerð er grein fyrir ástæðu umsóknar og rökstuðningi fyrir hæfni viðkomandi í starfið, á netfangið islit@islit.is, merkt verkefnastjóri.
Öllum umsóknum verður svarað þegar ákvörðun um ráðningu liggur fyrir. Gert er ráð fyrir að verkefnastjóri taki til starfa í ágúst.
Nánari upplýsingar veitir stjórnarformaður, Hrefna Haraldsdóttir, hrefna@islit.is
Hlutverk Miðstöðvar íslenskra bókmennta er samkvæmt lögum að styrkja útgáfu bóka á íslensku, styðja við og styrkja þýðingar og kynningu á íslenskum bókmenntum erlendis og efla bókmenningu hér á landi.