Fréttir

Gréta María Bergsdóttir ráðin verkefnastjóri 

Gengið hefur verið frá ráðningu í starf verkefnastjóra hjá Miðstöð íslenskra bókmennta, en starfið var auglýst í júní.

5.7.2016

Starf verkefnastjóra felst meðal annars í umsýslu með styrkveitingum Miðstöðvarinnar, kynningarmálum og ýmsum öðrum verkefnum skrifstofunnar. Gréta María kom til starfa í ágúst og tekur við af Þorgerði Öglu Magnúsdóttur sem starfað hefur hjá Miðstöð íslenskra bókmennta frá stofnun hennar árið 2013 og þar áður hjá Bókmenntasjóði, forvera Miðstöðvarinnar.

Gréta María er með BA próf í almennri bókmenntafræði frá Háskóla Íslands og MA próf í leikhúsfræði frá Central School of Speech and Drama í London, auk rekstrarnáms. Hún hefur margra ára starfsreynslu á ýmsum sviðum lista, menningar- og menntamála, en hún hefur starfað sem verkefnastjóri, framleiðandi og ritstjóri m.a. hjá Háskólanum í Reykjavík, Listahátíð í Reykjavík, Íslensku óperunni, Listaháskóla Íslands og víðar.

Miðstöð íslenskra bókmennta býður Grétu Maríu velkomna til starfa og væntir góðs af störfum hennar um leið og Þorgerði Öglu Magnúsdóttur eru þökkuð vel unnin störf á liðnum árum og henni óskað velfarnaðar á nýjum vettvangi.