Erlendir útgefendur áhugasamir um íslenskar bókmenntir á bókamessunni í London
Miðstöð íslenskra bókmennta tók þátt í Bókamessunni í London í síðustu viku og var fundað með útgefendum og kynningaraðilum frá 16 löndum og kynntur listi miðstöðvarinnar yfir bækur ársins 2014.
Miðstöð íslenskra bókmennta tók þátt í bókamessunni í London í síðustu viku og var fundað með útgefendum og kynningaraðilum frá 16 löndum og kynntur listi miðstöðvarinnar yfir bækur ársins 2014.
Miðstöð íslenskra bókmennta tók þátt í bókamessunni í London í síðustu viku og var fundað með útgefendum og kynningaraðilum frá 16 löndum og kynntur listi miðstöðvarinnar yfir bækur ársins 2014. Miðstöðin deildi bás með norrænu bókmenntakynningarstofunum, þriðja árið í röð, ásamt norrænum útgefendum og umboðsmönnum.
Mikill áhugi er á íslenskum bókmenntum meðal erlendra útgefenda og bókmenntahátíða eins og sjá má glögglega í stöðugri aukingu á milli ára á umsóknum um styrki til þýðinga á erlend mál sem og ferðastyrkjum höfunda. Árið 2014 voru veittir 80 styrkir til þýðinga úr íslensku á erlend tungumál og hafa styrkir til erlendra þýðinga aldrei verið fleiri. Einnig varð 40% aukning frá 2013 í umsóknum um ferðastyrki fyrir höfunda til að fara utan að kynna verk sín.
Sýningarstaður bókamessunnar í ár var sýningahöllin Olympia í Vestur-London. Sýnendur voru um 1500 talsins frá öllum heimshornum og um 25.000 fagaðilar á bókasviði sækja sýninguna á ári hverju. Einnig var fjöldi ráðstefna, fyrirlestra og pallborðsumræða haldinn í tengslum við sýninguna.