Góður NordLit fundur í Helsinki
Árlega fer fram sameiginlegur vinnufundur starfsfólks norrænu bókmenntamiðstöðvanna, til skiptis í höfuðborgum landanna, að þessu sinni í Helsinki.
Árlega fer fram sameiginlegur vinnufundur starfsfólks norrænu bókmenntamiðstöðvanna, til skiptis í höfuðborgum landanna, að þessu sinni í Helsinki.
Samtök norrænu bókmenntamiðstöðvanna, NordLit, hafa átt gott og gjöfult samstarf um árabil með það sameiginlega markmið að stuðla að auknum sýnileika og útbreiðslu norrænna bókmennta, með ýmsum hætti og miðstöðvarnar geta lært mikið hver af annarri.
Árlega fer fram sameiginlegur vinnufundur starfsfólks norrænu bókmenntamiðstöðvanna, til skiptis í höfuðborgum landanna, að þessu sinni í Helsinki.
Fundurinn fór fram dagana 21.-23. janúar og að þessu sinni voru Finnar (FILI) gestgjafar fundarins. Á fundinum voru saman komnir 15 fulltrúar bókmenntamiðstöðva Norðurlandanna.
Dagskrá fundarins var fjölbreytt og samanstóð af vinnustofum, fyrirlestrum sérfræðinga, bókakynningum og fleira. Auk þess fór hópurinn í eftirminnilegar heimsóknir á heimili og vinnustofu rithöfundarins Jörn Donner og arkitektsins Alvars Aalto.
Hverjir eru í NordLit?
Auk Miðstöðvar íslenskra bókmennta eru eftirtaldar miðstöðvar í samtökunum: Norla í Noregi, Fili í Finnlandi, FarLit í Færeyjum, Statens Kulturråd/Swedish Arts Council í Svíþjóð og Slots-og kulturstyrelsen/The Danish Arts Council í Danmörku og Greenlit í Grænlandi.
Samvinna innan NordLit á mörgum sviðum
Meðal samstarfsverkefna NordLit er sameiginlegur bás Norðurlandanna á bókamessunni í Frankfurt og NordLit skipuleggur auk þess ýmis samvinnuverkefni, þýðendaþing, útgefendaskipti, kynningarverkefni, starfsmannaskipti, útgáfu safnrita og fleira.
LUKEMINEN KANNATTAA AINA, (það borgar sig alltaf að lesa).
Norrænir þýðingastyrkir
Jafnframt vinnur NordLit saman að styrkveitingum til þýðinga á norræn mál og annast danska bókmenntamiðstöðin utanumhald norrænna þýðingastyrkja fyrir hönd Norrænu ráðherranefndarinnar. Hún útdeilir styrkfénu til hinna systurskrifstofanna, sem veita styrkina í sínu landi.