Handhafar Íslensku bókmenntaverðlaunanna 2017

Krístín Eiríksdóttir, Unnur Jökulsdóttir, Áslaug Jónsdóttir, Rakel Helmsdal og Kalle Güettler

31. janúar, 2018 Fréttir

Krístín Eiríksdóttir, Unnur Þóra Jökulsdóttir, Áslaug Jónsdóttir, Rakel Helmsdal og Kalle Güettler hlutu verðlaunin í ár, en þau eru veitt í þremur flokkum; flokki fagurbókmennta, flokki barna- og ungmennabóka og flokki fræðibóka og bóka almenns efnis. Þetta er 29. árið sem verðlaunin eru veitt. 

Oll-fjogur

Forseti Íslands, Guðni Th. Jóhannesson, afhenti Íslensku bókmenntaverðlaunin á Bessastöðum þriðjudaginn 30. janúar við hátíðlega athöfn. Verðlaun voru veitt í þremur flokkum; flokki fagurbókmennta, flokki barna- og ungmennabóka og flokki fræðibóka og bóka almenns efnis.

Elin,-ymislegt

Fagurbókmenntir

Kristín Eiríksdóttir hlaut verðlaunin í flokki fagurbókmennta fyrir skáldsöguna Elín, ýmislegt. Í umsögn dómnefndar segir að bókin sé vandlega úthugsuð og margslungin skáldsaga, „sem te‏flir fínlega saman ólíkri veruleikaskynjun persónanna í áhrifaríkri frásögn af hverfulu eðli minninga.“ Útgefandi JPV. 

Skrimsli-i-vanda

Barna- og ungmennabækur

Áslaug Jónsdóttir, Rakel Helmsdal og Kalle Güettler hlutu verðlaun í flokki barna- og ungmennabóka fyrir bókina Skrímsli í vanda. Í umsögn dómnefndar um bókina segir að hún sé litríkt og fallegt verk sem taki á viðfangsefni sem snertir okkur inn að kviku. „Skrímsli í vanda er marglaga saga fyrir alla aldurshópa, sem sómir sér vel í hinum glæsilega skrímslabókaflokki.“ Útgefandi Mál og menning. 

Undur-Myvatns

Fræðibækur og bækur almenns efnis 

Unnur Þóra Jökulsdóttir hlaut verðlaunin í flokki fræðibóka og bóka almenns efnis fyrir verkið Undur Mývatns: um fugla, flugur, fiska og fólk. Í umsögn dómnefndar um bók Unnar segir að hún sé einstætt listaverk sem „miðlar fræðilegri þekkingu með ástríðu fyrir lífskraftinum og persónulegri sýn á það sem fyrir augu ber, jafnt óvægna grimmd sem blíðustu fegurð.“ Útgefandi Mál og menning.

Verðlaun og dómnefndir

Verðlaunaféð er ein milljón króna fyrir hvert verðlaunaverk, auk þess sem verðlaunahafar fá afhent skrautrituð verðlaunaskjöl og verðlaunagrip eftir Jón Snorra Sigurðsson á gullsmíðaverkstæði Jens; opin bók á granítstöpli með nafni verðlaunahöfundar og bókar. Verðlaunin eru kostuð af Félagi íslenkra bókaútgefenda.

Verðlaunaverkin voru valin af fjögurra manna lokadómnefnd en í desember á síðasta ári voru fimm bækur tilnefndar í hverjum flokki og má sjá þær allar hér. 

Lokadómnefndina skipuðu Helga Ferdinandsdóttir, Hulda Proppé, Sigurjón Kjartansson og Gísli Sigurðsson, sem gegndi stöðu formanns nefndarinnar.


Allar fréttir

Tuttugu milljónum úthlutað til þýðinga á íslensku. Sífelld fjölgun umsókna og veittra styrkja - 18. desember, 2018 Fréttir

79% landsmanna finnst mikilvægt að láta þýða erlendar bækur á íslensku

Nánar

Meirihluti landsmanna les bækur og fær hugmyndir að lesefni frá vinum og ættingjum. Konur lesa meira en karlar. - 13. desember, 2018 Fréttir

Niðurstöðurnar gefa sterkar vísbendingar um að lestur sé enn stór þáttur í lífi landsmanna og að viðhorf fólks sé jákvætt í garð bókmennta, lestrar og opinbers stuðnings við bókmenntir.

Nánar

Læknaði heimþrána með því að þýða, en getur ekki hætt. - 7. desember, 2018 Fréttir

„Fyrir mér er þetta starf hreint út sagt fíkn þar sem ég er fyrst og fremst notandi. Þegar ég sneri til Danmerkur eftir mína Íslandsdvöl á sínum tíma læknaði ég heimþrána með því að þýða, en mér er alveg fyrirmunað að hætta“ segir danski þýðandinn Erik Skyum-Nielsen í viðtali.

Nánar

Allar fréttir