Tilkynnt um úthlutun úr Auði, barna- og ungmennabókasjóði
Á þriðja tug fjölbreyttra bóka fyrir börn og ungmenni hljóta styrki úr Auði 2023.
Miðstöð íslenskra bókmennta úthlutaði nýlega 8 milljónum úr barna- og ungmennabókasjóðnum Auði og hlutu 24 verk styrk að þessu sinni.
-
Á myndinni eru nokkur verk sem áður hafa hlotið styrk úr Auði.
Með styrkjunum er markmiðið að efla útgáfu vandaðra bóka á íslensku fyrir yngri lesendur, myndríkar bækur sem og textabækur, fræðibækur, skáldverk og allt þar á milli. Styrkirnir eru veittir útgefendum.
Viðfangsefnin eru margvísleg í ár; nútíma ævintýri og þjóðsögur, skrímsli og skuggalegar verur, ungmenni að takast á við daginn í dag, listasöfn sem kunna ekki að meta börn - og svo mætti lengi telja. Íslensk börn og ungmenni eiga spennandi lestrarstundir í vændum.
Meðal styrktra verka eru:
Safnið sem var bannað börnum. Höf: Margrét Tryggvadóttir. Útgefandi: Listasafn Einars Jónssonar
Mamma sandkaka. Höf: Lóa Hlín Hjálmtýsdóttir. Útgefandi: Salka
Skrímslavinafélagið. Höf: Tómas Zoëga. Útgefandi: Forlagið
Á eftir dimmum skýjum. Höf: Elísabet Thoroddsen. Útgefandi: Bókabeitan ehf.
Fjaðrafok í mýrinni. Höf: Sigrún Eldjárn. Útgefandi: Forlagið
Sokkalabbarnir. Höf: Bergrún Íris Sævarsdóttir og Þorvaldur Davíð Kristjánsson. Útgefandi: Bókabeitan ehf.
Hrímsvelgur. Höf: Hildur Knútsdóttir. Útgefandi: Forlagið
Bangsi fer út að leika. Höf: Tindur Lilja H. Péturs. Útgefandi: Bókabeitan ehf.
Skólaslit - Dauð viðvörun. Höf: Ævar Þór Benediktsson. Útgefandi: Forlagið
Upp og niður. Höf: Arndís Þórarinsdóttir og Hulda Sigrún Bjarnadóttir. Útgefandi: Forlagið
Bannað að drepa. Höf: Gunnar Helgason. Útgefandi: Forlagið
Hér má sjá heildarúthlutun úr barna- og ungmennabókasjóðnum Auði 2023.