23 verk hljóta styrk úr barna- og ungmennabókasjóðnum Auði, sem nú er úthlutað úr í þriðja sinn
7 milljónum króna úthlutað til 23 verka af ýmsum toga fyrir börn og ungmenni.
Markmiðið með Auði er að efla útgáfu vandaðra bóka á íslensku fyrir yngri lesendur, myndríkar bækur sem og textabækur, fræðibækur, skáldverk og allt þar á milli.
Á myndinni má sjá nokkrar bækur sem áður hafa hlotið styrki úr barna- og ungmennabókasjóðnum Auði.
Miðstöð íslenskra bókmennta úthlutaði nýlega 7 milljónum úr barna- og ungmennabókasjóðnum Auði og hlutu 23 verk styrk að þessu sinni.
Með styrkjunum er markmiðið að efla útgáfu vandaðra bóka á íslensku fyrir yngri lesendur, myndríkar bækur sem og textabækur, fræðibækur, skáldverk og allt þar á milli. Styrkirnir eru veittir útgefendum.
Höfundar bókanna sem hlutu styrki að þessu sinni eru margir hverjir þekktir en einnig fengu bækur nýrri og minna þekktra höfunda styrki.
Meðal styrktra verka eru:
- Héragerði. Höf. Lóa Hlín Hjálmtýsdóttir. Útgefandi: Salka
- Vetur fram á vor. Höf. Arndís Þórarinsdóttir. Útgefandi: Forlagið
- Kennarinn sem kveikti í. Höf. Bergrún Íris Sævarsdóttir. Útgefandi: Bókabeitan
- Drekar, dramatík og meira í þeim dúr. Höf. Rut Guðnadóttir. Útgefandi: Forlagið
- Jónasveinkur. Höfundar: Hallgrímur Helgason og Rán Flygenring. Útgefandi: Angústúra
- Hulinseyja 1. Höf. Gunnar Theodór Eggertsson. Útgefandi: Forlagið
- Iðunn og afi pönk halda útihátíð. Höf. Gerður Kristný og Halldór Baldursson. Útgefandi: Forlagið
- Tröllamatur. Höf. Berglind Sigursveinsdóttir. Útgefandi: BF-útgáfa
- Miðbæjarrottan: Þetta kemur allt með kalda vatninu. Höf. Auður Þórhallsdóttir. Útgefandi: Skriða bókaútgáfa
- Sólkerfið okkar. Höf. Sævar Helgi Bragason og Elísabet Rún Þorgeirsdóttir. Útgefandi: Forlagið
- Boltinn lýgur ekki. Höf. Kjartan Atli Kjartansson. Útgefandi: Sögur
Hér má sjá heildarúthlutun úr barna- og ungmennabókasjóðnum Auði 2021.