Allir lesa landsleikurinn er hafinn, skráðu þig til leiks og vertu með!
Hefurðu kannað hvað þú verð miklum tíma í lestur? Það geturðu gert með einföldum hætti á allirlesa.is
Landsleikur í lestri verður á þorranum líkt og undanfarin ár eða frá 27. janúar, til konudagsins 19. febrúar 2017. Sú nýbreytni verður tekin upp í ár að auk liðakeppni verður jafnframt hægt að keppa sem einstaklingur. Svo nú verður ljóst hver er aðal lestrarhestur landsins. Vertu með og taktu þátt í skemmtilegum leik á Allir lesa
www.allirlesa.is
Næsti landsleikur í lestri verður á þorranum líkt og áður eða frá 27. janúar, til konudagsins 19. febrúar 2017. Um er að ræða einstaklings- og liðakeppni á netinu þar sem mældur er sá tími sem varið er í lestur. Í lokin eru þeir eintaklingar og lið sem mestum tíma verja í lestur, heiðruð með viðurkenningum og verðlaunum.
Allar tegundir bóka eru gjaldgengar
Það skiptir ekki máli hvernig bækur eru lesnar eða hvort lesinn er prentaður texti, rafbók eða hljóðbók - og öll tungumál eru gjaldgeng í leiknum. Allar bækur sem innihalda til dæmis skáldskap, fræði, skýrslur eða eitthvað allt annað eru velkomnar í leikinn. Lestu þér til ánægju um leið og þú keppir í lestri. Allt um málið á www.allirlesa.is
Leikur fyrir fólk á öllum aldri
Allir geta myndað lið eða keppt sem einstaklingar, til dæmis á vinnustaðnum, í saumaklúbbnum, vinahópnum eða með fjölskyldunni. Foreldrar sem lesa fyrir ung börn sín eru sérstaklega hvattir til að mynda lið með börnunum og skrá lesturinn. Einn aðili, liðsstjórinn, stofnar lið inn á vefnum og bætir öðrum liðsmönnum í liðið. Aðrir geta einnig fundið liðið og gengið í það. Þau lið sem verja mestum tíma í lestur standa uppi sem sigurvegarar.
Aðstandendur Allir lesa eru Miðstöð íslenskra bókmennta og Reykjavík Bókmenntaborg Unesco með stuðningi Mennta- og menningarmálaráðuneytisins.
Aðrir samstarfsaðilar eru ÍSÍ, Heimili og skóli og Félag íslenskra bókaútgefenda.
Kynntu þér málið og skráðu þig til leiks á www.allirlesa.is
Hér má nokkrar myndir úr strætóferð þar sem blásið var til landsleiksins föstudaginn 27. janúar 2017.