Góðir bókadagar í Gautaborg

3. október, 2023

Bókamessan í Gautaborg fór fram dagana 28. september til1. október og komu íslenskir höfundar og bækur þeirra víða við í dagskrá hátíðarinnar en Miðstöð íslenskra bókmennta skipulagði þátttökuna.

Íslenski sendiherrann í Svíþjóð, Bryndís Kjartansdóttir, bauð til móttöku í tilefni íslenskrar þátttöku í messunni, þarna eru höfundarnir og Hrefna með sendiherranum.

Bókamessan í Gautaborg fór fram dagana 28. september - 1. október og voru íslenskir höfundar og bækur þeirra áberandi. Rithöfundarnir Sjón, Fríða Ísberg og Ævar Þór Benediktsson sem komu fram á fjölmörgum vönduðum og vel sóttum viðburðum - í samstarfi við útgefendur þeirra í Svíþjóð og Miðstöð íslenskra bókmennta. Íslenski sendiherrann í Svíþjóð, Bryndís Kjartansdóttir, bauð til móttöku í tilefni íslenskrar þátttöku í messunni.

Starfsfólk Miðstöðvar íslenskra bókmennta fundaði með erlendum útgefendum og umboðsmönnum á messunni og kynnti nýjar og nýlegar íslenskar bókmenntir.

Heiðursgestur í ár var menning sænskra gyðinga með áherslu á sögu, bókmenntir og heimspeki. Þema ársins var borgarlíf en hljóðbókin og málefni tengd henni fengu einnig aukið rými í dagskránni. Fjölbreyttir viðburðir messunnar voru vel sóttir og mikill fjöldi gesta alla dagana frá morgni til kvölds.

Allar fréttir

Nanna Rögnvaldardóttir hlýtur Barnabókaverðlaun Guðrúnar Helgadóttur í ár - 4. september, 2025 Fréttir

Flóttinn á norðurhjarann fjallar um mæðgur sem þurfa að flýja erfiðar aðstæður og takast á við margar hindranir í leit sinni að betra lífi. Söguhetjan er stelpa sem í upphafi sögu er tólf ára gömul og sagan er alfarið sögð frá hennar sjónarhorni sem gerir lesendum auðveldara að setja sig í hennar spor. Sagan gerist undir lok 18. aldar í kjölfar Móðuharðindanna og margvíslegra erfiðleika af þeirra sökum.

Nánar

Ást, losti og dramatík eru þemu bókamessunnar í Gautaborg í ár - 1. september, 2025 Fréttir

Eiríkur Örn Norðdahl og Yrsa Sigurðardóttir taka þátt í viðburðum á bókamessunni í Gautaborg í ár. Leikritun og leikritaskrif eru einnig í kastljósinu á hátíðinni og leikskáldin Birgir Jón Sigurðsson og Hrafnhildur Hagalín segja frá verkum sínum, sköpunarferli og íslenskri leikhúsmenningu.

Nánar

Upplýsingar um allar íslenskar bækur á frönsku og sænsku aðgengilegar - 19. ágúst, 2025 Fréttir

Dr. Hanna Steinunn Þorleifsdóttir, fyrrum yfirmaður norrænu deildarinnar við háskólann í Caen í Frakklandi heldur úti athyglisverðum vef með upplýsingum um allar þýðingar sem komið hafa út á frönsku og John Swedenmark þýðandi hefur haft veg og vanda af sambærilegum sænskum vef samvinnu við íslenska sendiráðið í Stokkhólmi og fleiri.

Nánar

Allar fréttir