Heiðursþátttaka Íslands vakti óskipta athygli á nýafstaðinni bókamessu í Gdansk í Póllandi og íslensku rithöfundarnir fengu einstakar viðtökur

Þátttakan treystir án efa böndin milli Íslands og Póllands enn frekar, stuðlar að gagnkvæmum auknum áhuga á bókmenntum þjóðanna og fjölgar þýðingum á milli tungumálanna tveggja og er nú þegar byrjað að skipuleggja næstu skref í þeim efnum.

4. apríl, 2019 Fréttir

File9-9-1340664-Á sunnudag lauk einstaklega vel heppnaðri þriggja daga bókamessu sem haldin var í blíðskaparveðri í hafnarborginni Gdansk í Póllandi. Ísland var heiðursgestur messunnar og höfundunum frá Íslandi var afar vel tekið og sýndu Pólverjar þeim og íslenskum bókmenntum sérlega mikinn áhuga. Fjölmenni var á messunni alla dagana og fjölbreytt dagskrá; pallborð, upplestrar, vinnustofur og fleiri viðburðir sem voru vel sóttir og messustaðurinn, Polish Baltic Philharmonic, iðaði af lífi.

MessugengidMiðstöð íslenskra bókmennta hafði veg og vanda af þátttöku Íslands í Gdansk í samvinnu við stjórnendur messunnar, sem voru gestgjafar íslenska hópsins. Gestrisni og utanumhald gestgjafanna var aðdáunarvert og dvölin í alla staði ánægjuleg. 

 

IMG_3786

Miðstöðin var með bás á messunni og kynnti þar íslenskar bókmenntir. Þar var jafnframt setningin fyrsta daginn. Sendiherra Íslands í Berlín, Martin Eyjólfsson, hélt opnunarræðu og auk hans flutti Hrefna Haraldsdóttir, framkvæmdastjóri Miðstöðvar íslenskra bókmennta ræðu, sem og staðgengill borgarstjórans í Gdansk og landsstjóri Pommern-sýslu.

Rithöfundarnir Hallgrímur Helgason, Einar Kárason, Sigríður Hagalín Björnsdóttir og Elísabet Kristín Jökulsdóttir voru sérstakir heiðursgestir messunnar og tóku öll þátt í pallborði um bækur sínar, íslenskar bókmenntir, þýðingar, menningu, stjórnmál og annað sem brann á spyrlunum og gestum messunnar sem tóku virkan þátt í málstofum.

Einar-Karason-i-pallbordiEinar Kárason ræddi við Agötu Lubowicka og Karolinu Drozdowska frá pólsku þýðendasamtökunum um norrænar bókmenntir fyrir fullu húsi. Hann tók einnig þátt í pallborði með pólskum útgefanda sínum, Marpress, þar sem rætt var um Stormfugla, sem von er á í pólskri þýðingu í haust. Útvarpið í Gdansk tók einnig viðtal við Einar um bækurnar hans og skáldskapinn.

IMG_3874_1554292500786Sigríður Hagalín Björnsdóttir ræddi við bókmenntablaðamanninn Adam Szaja um bækur sínar en Eyland kom út í Póllandi á síðasta ári og von er á Hinu heilaga orði í pólskri þýðingu Jacek Godek á næstunni. Að því loknu áritaði Sigríður Eyland, eða Wyspu eins og hún heitir á pólsku, fyrir áhugasama og seldist upplag útgefandans upp á staðnum.

File10-5-1340691-Hallgrímur Helgason tók þátt í pallborði um lýðræði og bókmenntir en málefnið er Pólverjum afar hugleikið um þessar mundir. Með Hallgrími voru borgarstjóri Gdansk, Aleksandra Dulkiewicz, sem nýverið tók við embættinu, eftir morðið á Pawel Adamowicz og höfundurinn Tomasz Swoboda. Heitar umræður um lýðræði, tungumál og hlutverk höfundarins og bókmenntanna í því samhengi fóru fram fyrir smekkfullum sal.

GTK3-47Elísabet Kristín Jökulsdóttir var einnig í málstofu um verk sín, líf og skáldskap og las upp úr ljóðabókinni Ástin ein taugahrúga. Enginn dans við Ufsaklett og einnig las þekkt pólsk leikkona, Małgorzaty Brajner, ljóð úr bókinni í pólskri þýðingu Jacek Godek við mikinn fögnuð áheyrenda. Að því loknu áritaði Elísabet ljóðabókina fyrir gesti og gangandi.

Málstofa fór fram um bókina Heiða - fjalldalabóndinn eftir Steinunni Sigurðardóttur, pólska leikkonan Karolina Grusza las kafla úr bókinni og skemmtilegar umræður spunnust að því loknu.

Efnt var til vinnustofu með þýðendunum Jacek Godek, Önnu Karen Svövudóttur og Olgu Knasiak þar sem gestir gátu spreytt sig á að þýða Vísur Vatnsenda-Rósu með þeirra hjálp og reyndust margir öflugir „þýðendur“ í salnum.

Öll dagskrá á messunni fór fram á pólsku og þýddi Jacek Godek fyrir íslensku höfundana. Jacek er öflugasti þýðandi íslenskra bókmennta á pólsku og hefur hann þýtt bækur höfundanna fjögurra, sem og flestar þeirra íslensku bóka sem gefnar hafa verið út í Póllandi á liðnum árum.

IMG_3715Frá upphafi hafa 100 íslenskar bækur verið þýddar á pólsku og 85 frá pólsku yfir á íslensku en Pólverjar eru stærsti hópur innflytjenda á Íslandi, eða um 6% þjóðarinnar.

Á íslenska básnum voru nýjar íslenskar bækur sem og bækur eftir íslenska höfunda í pólskri þýðingu og voru viðtökur framar vonum. Mikill áhugi pólskra lesenda á íslenskum bókmenntum og menningu var ánægjulegur og gefur góð fyrirheit um framhaldið. Þátttakan treystir án efa böndin milli Íslands og Póllands enn frekar, stuðlar að gagnkvæmum auknum áhuga á bókmenntum þjóðanna og fjölgar þýðingum á milli tungumálanna tveggja. Einn liður í eftirfylgninni er þýðendaþing sem Miðstöðin heldur á Íslandi í lok apríl og þar mun fjöldi pólskra þýðenda taka þátt.

  • File-31-1340410-
  • File6-12-1340577-
  • IMG_3821
  • IMG_3829_1554292500998
  • IMG_3846
  • 55869190_2198744863773006_6480931200977338368_o
  • Hallgrimur_1554292399040
  • IMG_3882
  • Sigridur-ad-arita
  • GTK1-46-2
  • IMG_3735
  • IMG_3815
  • GTK1-41-2
  • GTK2-39
  • IMG_3937
  • GTK3-47
  • IMG_3994
  • IMG_3991
  • Greta-a-bas
  • IMG_3977
  • IMG_3895
  • IMG_3987
  • IMG_3993
  • IMG_3983
  • 55882025_2198730117107814_3899852488274083840_o
  • Forsida-dagblads-i-Gdansk
  • 55589243_2198734507107375_2648327738665992192_o
  • 56140507_2200135370300622_3801300220239675392_o
  • IMG_3729

  • IMG_4014
  • Bas-a-bokamessunni

 

 

 

 


Allar fréttir

Lestur hefur aukist og landsmenn lesa nú að meðaltali 2,3 bækur á mánuði - 15. nóvember, 2019 Fréttir

Niðurstöður nýrrar lestrarkönnunar sýna að konur og barnafjölskyldur lesa mest og að hljóðbókin sækir á. Unga fólkið les mikið á öðrum tungumálum en íslensku og flestir fá hugmyndir að lesefni frá vinum og ættingjum.

Nánar

Íslenskar bókmenntir njóta mikilla vinsælda í Frakklandi - 6. nóvember, 2019 Fréttir

Þessi misserin er mest þýtt af íslenskum bókum á frönsku, eða um fimmtíu titlar á þremur árum. Höfundar frá Íslandi eru tíðir gestir á bókmenntaviðburðum víða um Frakkland - og þýðendaþing haldið í París.

Nánar

Íslenskir höfundar ferðast um heiminn, kynna verk sín og hitta lesendur - 7. nóvember, 2019 Fréttir

Höfundarnir bera hróður bókmenntanna víða, því árlega kemur fjöldi þeirra fram á fjölbreytilegum bókmenntaviðburðum í öllum heimsálfum og kynnir verk sín, iðulega með stuðningi Miðstöðvar íslenskra bókmennta.

Nánar

Allar fréttir