Íslenskar bækur á fjölda erlendra tungumála eru til útláns í Þjóðarbókhlöðunni

Samstarfssamningur Miðstöðvar íslenskra bókmennta og Landsbókasafns/Háskólabókasafns tryggir yfirlit, varðveislu og aðgengi að íslenskum bókum í erlendum þýðingum

21. ágúst, 2019 Fréttir

Landsbókasafn/Háskólabókasafn tryggir varðveislu og aðgang að þeim bókum sem Miðstöð íslenskra bókmennta afhendir safninu og tekur að sér að koma aukaeintökum, ef einhver verða, áfram til annarra safna.

Um mitt ár 2014 gerðu Miðstöð íslenskra bókmennta og Landsbókasafn Íslands / Háskólabókasafn með sér ótímabundinn samning um að safna ítarlegum upplýsingum um útgáfu íslenskra bókmennta á öðrum tungumálum en íslensku og tryggja aðgang að þeim.

Markmið samningsins er að til verði heildarlisti yfir íslenskar bækur sem koma út í útlöndum í erlendum þýðingum. Í þessu skyni afhendir Miðstöðin Landsbókasafni /Háskólabókasafni a.m.k. eitt eintak af hverri bók sem Miðstöðin veitir styrk yfir á erlendar tungur og hefur það verið gert frá árinu 2014 og lætur nærri að hátt í þúsund bækur hafi verið afhentar safninu til varðveislu og útláns á tímabilinu.

Landsbókasafn/Háskólabókasafn tryggir varðveislu og aðgang að þeim bókum sem Miðstöð íslenskra bókmennta afhendir safninu og tekur að sér að koma aukaeintökum, ef einhver verða, áfram til annarra safna. 

Jafnframt kveður samningurinn á um að báðir aðilar safni ítarlegum upplýsingum um útgáfu íslenskra bókmennta á öðrum tungumálum en íslensku, umfram þær sem hljóta þýðingarstyrki frá Miðstöð íslenskra bókmennta, og gera þær aðgengilegar í Gegni/Leitum. 

Einnig má geta þess að eintak af hverri bók sem Miðstöðin veitir norrænan þýðingastyrk (úr íslensku á norræn mál) er auk þess aðgengilegt á bókasafni Norræna hússins.

Og nú styttist óðum í opnun ítarlegrar þýðingaskrár á leitir.is þar sem fletta má upp gríðarlegu magni upplýsinga um íslenskar bækur, höfunda þeirra og þýðendur og markar skráin tímamót í varðveislu og aðgengi að þeim upplýsingum.

Íslensk síða: https://leitir.is/primo-explore/search?query=lsr06,contains,ice,AND&tab=default_tab&search_scope=ISLENSKU&sortby=rank&vid=SERVSV&lang=is_IS&mode=advanced&offset=0

ensk síða: https://leitir.is/primo-explore/search?query=lsr06,contains,ice,AND&tab=default_tab&search_scope=ISLENSKU&sortby=rank&vid=SERVSV&lang=en_US&mode=advanced&offset=0

 

 


Allar fréttir

Lestur hefur aukist og landsmenn lesa nú að meðaltali 2,3 bækur á mánuði - 15. nóvember, 2019 Fréttir

Niðurstöður nýrrar lestrarkönnunar sýna að konur og barnafjölskyldur lesa mest og að hljóðbókin sækir á. Unga fólkið les mikið á öðrum tungumálum en íslensku og flestir fá hugmyndir að lesefni frá vinum og ættingjum.

Nánar

Íslenskar bókmenntir njóta mikilla vinsælda í Frakklandi - 6. nóvember, 2019 Fréttir

Þessi misserin er mest þýtt af íslenskum bókum á frönsku, eða um fimmtíu titlar á þremur árum. Höfundar frá Íslandi eru tíðir gestir á bókmenntaviðburðum víða um Frakkland - og þýðendaþing haldið í París.

Nánar

Íslenskir höfundar ferðast um heiminn, kynna verk sín og hitta lesendur - 7. nóvember, 2019 Fréttir

Höfundarnir bera hróður bókmenntanna víða, því árlega kemur fjöldi þeirra fram á fjölbreytilegum bókmenntaviðburðum í öllum heimsálfum og kynnir verk sín, iðulega með stuðningi Miðstöðvar íslenskra bókmennta.

Nánar

Allar fréttir