Lestrarskýrslustyrkir eru nýjung í styrkjaflóru Miðstöðvarinnar

15. ágúst, 2019 Fréttir

Lestrarskýrslustyrkir eru ætlaðir erlendum útgefendum og umboðsmönnum sem íhuga að gefa út íslenskt verk í erlendri þýðingu og vilja fá faglegt álit á verkinu.

Miðstöð íslenskra bókmennta hefur bætt nýjum flokki í styrkjaflóru sína. Lestrarskýrslustyrkir eru ætlaðir erlendum útgefendum og umboðsmönnum sem íhuga að gefa út íslenskt verk í erlendri þýðingu og vilja fá faglegt álit á verkinu. Þeir fá fagaðila til að lesa verkið á íslensku og skila áliti í skýrsluformi á sínu tungumáli.

Skáldverk skrifuð á íslensku fyrir fullorðna, börn og ungmenni, fræðibækur og bækur almenns efnis eru gjaldgeng og eingöngu erlendir útgefendur og umboðsmenn geta sótt um styrkinn. Koma þarf fram í umsókn um hvaða bók á að skrifa skýrslu og hver skrifar hana.

Lestrarskýrslustyrkjunum er ætlað að stuðla að fleiri þýðingum og útgáfu þeirra og styðja þannig við útbreiðslu íslenskra bókmennta erlendis.

Skýrslunni skal skilað til Miðstöðvar íslenskra bókmennta eigi síðar en 6 mánuðum eftir að styrkloforð fæst.

Umsóknarfrestir eru 15. febrúar og 15. september (16. september í ár) árlega. Umsóknareyðublöð eru aðgengileg á ensku síðunni fjórum vikum fyrir næsta umsóknarfrest.

Svör við umsóknum um lesarastyrki berast með tölvupósti eigi síðar en 6 vikum eftir að umsóknarfrestur rennur út.


Allar fréttir

Auglýst eftir umsóknum þýðingastyrki. Umsóknarfrestur er til og með 15. nóvember 2019! - 15. október, 2019 Fréttir

Styrkir til þýðinga á íslensku eru veittir til að þýða mikilvæg verk úr samtímanum, erlendar fagurbókmenntir og fræðirit sem og vandaðar, myndríkar bækur fyrir börn og ungmenni. 

Nánar

Dvalarstyrkir gera þýðendum kleift að vinna í návígi við íslenska höfunda, tungu og menningu. Styrkirnir hafa verið veittir í 20 ár! - 10. október, 2019 Fréttir

Frá upphafi hafa 65 styrkir verið veittir til þýðenda íslenskra bókmennta á 18 erlend mál til dvalar í gestaíbúðinni í Gunnarshúsi.

Nánar

Mjög góður rómur var gerður að íslenskum verkum og höfundum á bókamessunni í Gautaborg - 7. október, 2019 Fréttir

Auður Ava Ólafsdóttir, Kristín Ómarsdóttir, Ragnar Jónasson og Sigrún Eldjárn fengu ljómandi góðar viðtökur. Á síðustu átta árum hafa alls 46 höfundar frá Íslandi komið fram á messunni í Gautaborg. 

Nánar

Allar fréttir