Miðstöð íslenskra bókmennta veitir útgáfustyrki til 54 verka

Bækur um sagnfræði, arkitektúr, tvítyngi, knattspyrnu, bókmenntir, myndlist, matarmenningu og ýmislegt fleira hljóta útgáfustyrki í ár.

12. maí, 2022

Í ár var úthlutað 28 milljónum króna í útgáfustyrki til 54 verka. Alls bárust 72 umsóknir og sótt var um heildarupphæð 75 milljónir króna.

Á myndinni má sjá nokkrar bækur sem áður hafa hlotið útgáfustyrki Miðstöðvar íslenskra bókmennta.

Útgáfustyrkir eru veittir árlega til útgáfu og miðlunar íslenskra ritverka, þar sem kappkostað er að styrkja verk sem hafa menningarlegt og þekkingarfræðilegt gildi.

Í ár var úthlutað 28 milljónum króna í útgáfustyrki til 54 verka. Alls bárust 72 umsóknir og sótt var um heildarupphæð 75 milljónir króna.

Það kennir ýmissa grasa í viðfangsefnum þeirra verka sem hljóta styrki í ár; Morðmál á 18. öld, matarnytjar í íslenskri náttúru, arkitektúr, myndlist, saga íslenskra kommúnista, konungar Íslands, bókmenntir, hinsegin samtímalist, knattspyrna á Akranesi og svo mætti lengi telja.

Meðal verka sem hljóta útgáfustyrki eru:

Samband við söguna. Sögufélag í 120 ár. Höf. Íris Ellenberger og Arnór Gunnar Gunnarsson. Útgefandi: Sögufélag

Forðabúrið – matarnytjar í íslenskra náttúru. Höf. Styrmir Guðlaugsson. Útgefandi: Sögur útgáfa

Textílfélagið í 50 ár. Höf. Jón Proppé. Útgefandi: Textílfélagið.

Vegabréf: Íslenskt – Frá Afganistan til Bosníu og Búrkína Fasó. Höf. Sigríður Víðis Jónsdóttir. Útgefandi: Forlagið

Hildur Hákonardóttir. Höf: Sigrún Inga Hrólfsdóttir. Útgefandi: Listasafn Reykjavíkur

Mannlíf í 60 ár (vinnuheiti). Höf. Rúnar Gunnarsson. Útgefandi: Nýhöfn

Tvítyngi. Höf. Birna Arnbjörnsdóttir. Ritstj. Ásdís R. Magnúsdóttir. Útgefandi: Stofnun Vigdísar Finnbogadóttur í erlendum málum.

Drífa Viðar Málari, rithöfundur, gagnrýnandi og baráttukona. Höf. Drífa Viðar. Ritstj. Auður Aðalsteinsdóttir

Veikur af gallsýki og óþverra. Lækningabók Jóns Bergsteds frá árunum 1828–1838. Halldóra Kristinsdóttir. Útgefandi: Háskólaútgáfan

Faldafreyjur Íslands. Höf. Guðrún Hildur Rósinkjær. Útgefandi: Annríki - þjóðbúningar og skart.

Ár og sprænur, Litlu sögurnar í hálfa samhenginu og Ranimosk. Höf. Einar Guðmundsson. Útgefandi: Ars Longa samtímalistasafn

Konurnar á Eyrarbakka. Höf. Jónína Óskarsdóttir. Útgefandi: Sæmundur bókaútgáfa

Ævisaga Guðrúnar Jónsdóttur (vinnutitill). Höf. Ingibjörg Dögg Kjartansdóttir. Útgefandi: Forlagið

Syng mín sál – 40 söngvar úr íslenskum handritum. Höf. Árni Heimir Ingólfsson. Útgefandi: Bjartur & Veröld

Babýlon við Dýrafjörð. Höf. Árni Snævarr. Útgefandi: Forlagið

Hér má sjá heildarúthlutun útgáfustyrkja 2022.

Allar fréttir

Ísland var í heiðurssæti á Les Boréales hátíðinni í Normandí og höfundarnir fengu stórkostlegar viðtökur. - 30. nóvember, 2023 Fréttir

Mikill áhugi er á íslenskum bókmenntum í Frakklandi og nú er svo komið að stór og virt frönsk forlög gefa út marga íslenska titla. Þennan einstaka árangur má einnig þakka framúrskarandi og afkastamiklum þýðendum íslenskra bókmennta á frönsku.

Nánar

Á undanförnum sex árum hefur notkun hljóðbóka aukist um 145% og lestur bóka dregist saman um 17% - 16. nóvember, 2023 Fréttir

Ný lestrarkönnun Miðstöðvar íslenskra bókmennta, í samvinnu við helstu aðila á bókmenntasviðinu, leiðir í ljós að þjóðin les eða hlustar að meðaltali á 2,4 bækur á mánuði og ver til þess 30 til 60 mínútum á dag. Helsta breyting á lestrarvenjum er verulega aukin notkun hljóðbóka. Einnig vekur athygli að sá hópur sem hefur lesið lítið sem ekkert fer stækkandi.

Nánar

Rán Flygenring og Eldgos hlutu barna- og unglingabókmenntaverðlaun Norðurlandaráðs 2023 - 3. nóvember, 2023 Fréttir

Í rökstuðningi dómefndarinnar segir að Rán hafi tekist að skapa myndabók fulla af sjónrænum sprengikrafti um þau áhrif sem villt og óhamin náttúra hafi á fólk og að mynd og texti fléttist listilega saman í fjöruga og sprenghlægilega sögu.

Nánar

Allar fréttir