Miðstöð íslenskra bókmennta veitir útgáfustyrki til nýrra íslenskra ritverka
Örnefni, Hallgrímur Pétursson, Rauði krossinn, listdans, arkitektúr og hernámsæskan eru meðal umfjöllunarefna í þeim verkum sem hljóta útgáfustyrki Miðstöðvar íslenskra bókmennta í ár.
Í ár var úthlutað tæplega 21 milljón króna í útgáfustyrki til 41 verks. Alls bárust 66 umsóknir og sótt var um heildarupphæð rúmlega 74 milljónir króna.
-
Á myndinni má sjá verk sem áður hafa hlotið útgáfustyrki Miðstöðvar íslenskra bókmennta
Útgáfustyrkir eru veittir árlega til útgáfu og miðlunar íslenskra ritverka, þar sem kappkostað er að styrkja verk sem hafa menningarlegt og þekkingarfræðilegt gildi.
Í ár var úthlutað tæplega 21 milljón króna í útgáfustyrki til 41 verks. Alls bárust 66 umsóknir og sótt var um heildarupphæð rúmlega 74 milljónir króna.
Meðal verka sem hljóta útgáfustyrki eru:
Rauði krossinn á Íslandi - 100 ára saga. Höfundur: Guðjón Friðriksson. Útgefandi: Drápa og Rauði krossinn á Íslandi
Gengið til friðar. Höfundur: Árni Hjartarson. Útgefandi: Skrudda
Tákn lands og þjóðar. Höfundur: Hörður Lárusson. Útgefandi: Angústúra
Byr í segl. Úrval greina um örnefni eftir Þórhall Vilmundarson. Ritstjórar: Guðrún Þórhallsdóttir, Aðalsteinn Hákonarson og Emily Lethbridge. Útgefandi: Stofnun Árna Magnússonar í íslenskum fræðum
Sveinn Kjarval, húsgagnaarkitekt. Höfundur: Arndís S. Árnadóttir. Útgefandi: Hið íslenska bókmenntafélag
1787 - tímamótaárið gleymda (vinnuheiti). Höfundur: Margrét Gunnarsdóttir. Útgefandi: Ugla útgáfa
Listakonur sem ryðja sína eigin braut. Höfundur: Becky Elizabeth Forsythe. Útgefandi: Listasafn Reykjavíkur
Á bókmenntarófinu. Athuganir. Höfundur: Ástráður Eysteinsson. Útgefandi: KIND útgáfa
Líf með Íslandi. Höfundur: Helena Kadečkova. Útgefandi: Sæmundur
Hér má skoða allar úthlutanir ársins 2024