„Ég hugsa aldrei, ég skrifa bara“
,,Ísland er fátt annað en náttúra, með manneskjum á stangli'' segir Jón Kalman Stefánsson rithöfundur í viðtali sem birtist á Sagenhaftes Ísland vefnum á föstudaginn.
„Ísland er fátt annað en náttúra, með manneskjum á stangli,“ segir Jón Kalman Stefánsson rithöfundur í væntanlegu viðtali hér á vefnum. Þar svarar hann spurningum um náttúruna í verkum sínum og nýjasta íslenska handritið, sem er skýrslan um hrunið uppá 2600 blaðsíður. Hann er hinsvegar ófáanlegur að ræða að ráði þá bók sem hann er að vinna að núna.
„Maður á ekki að tala, heldur skrifa.“
- Þú hugsaðir samt sem áður þessa stóru sögu, Himnaríki og helvíti, Harm englanna, í þremur bindum er það ekki, var það ákveðið frá upphafi?
„Ég hugsa aldrei, ég skrifa bara. Ég er smali sem er búinn að týna kindunum og skrifa í staðinn,“ segir Jón Kalman.