Thor Vilhjálmsson látinn

2. mars, 2011

Thor Vilhjálmsson rithöfundur er látinn, 85 ára að aldri.

Thor Vilhjálmsson rithöfundur lést miðvikudaginn 2. mars, 85 ára að aldri. Hann var afkastamikill rithöfundur og gaf út fyrstu bók sína, Maðurinn er alltaf einn, árið 1950. Thor fékk Bókmenntaverðlaun Norðurlandaráðs árið 1988 fyrir skáldsöguna Grámosinn glóir.

Jafnframt því að sinna ritstörfum var Thor ötull baráttumaður fyrir tjáningarfrelsi og menningarstarfi á Íslandi. Hann sagðist í viðtali við Sagenhaftes Island skömmu fyrir andlát sitt, vera að vinna að nýju efni. „Það að skrifa er ákveðin þrákelkni,“ sagði Thor, „halda áfram, áfram, áfram.“

Allar fréttir

Nanna Rögnvaldardóttir hlýtur Barnabókaverðlaun Guðrúnar Helgadóttur í ár - 4. september, 2025 Fréttir

Flóttinn á norðurhjarann fjallar um mæðgur sem þurfa að flýja erfiðar aðstæður og takast á við margar hindranir í leit sinni að betra lífi. Söguhetjan er stelpa sem í upphafi sögu er tólf ára gömul og sagan er alfarið sögð frá hennar sjónarhorni sem gerir lesendum auðveldara að setja sig í hennar spor. Sagan gerist undir lok 18. aldar í kjölfar Móðuharðindanna og margvíslegra erfiðleika af þeirra sökum.

Nánar

Ást, losti og dramatík eru þemu bókamessunnar í Gautaborg í ár - 1. september, 2025 Fréttir

Eiríkur Örn Norðdahl og Yrsa Sigurðardóttir taka þátt í viðburðum á bókamessunni í Gautaborg í ár. Leikritun og leikritaskrif eru einnig í kastljósinu á hátíðinni og leikskáldin Birgir Jón Sigurðsson og Hrafnhildur Hagalín segja frá verkum sínum, sköpunarferli og íslenskri leikhúsmenningu.

Nánar

Upplýsingar um allar íslenskar bækur á frönsku og sænsku aðgengilegar - 19. ágúst, 2025 Fréttir

Dr. Hanna Steinunn Þorleifsdóttir, fyrrum yfirmaður norrænu deildarinnar við háskólann í Caen í Frakklandi heldur úti athyglisverðum vef með upplýsingum um allar þýðingar sem komið hafa út á frönsku og John Swedenmark þýðandi hefur haft veg og vanda af sambærilegum sænskum vef samvinnu við íslenska sendiráðið í Stokkhólmi og fleiri.

Nánar

Allar fréttir