Íslenskar bókmenntir í Peking

26. maí, 2011

Íslenskar bókmenntir voru í fyrirrúmi á fundi með Pekingháskóla þar sem heiðursþátttaka Íslands á Bókasýningunni í Frankfurt var kynnt.

Þann 13. maí síðastliðinn átti Kristín A. Árnadóttir sendiherra í Kína fund með fulltrúum Pekingháskóla ásamt Guðjóni Friðrikssyni sagnfræðingi og rithöfundi, en hann var sérstakur gestur þar. Tilgangur fundarins var að kynna heiðursþátttöku sögueyjunnar Íslands á Bókasýningunni í Frankfurt, hátíðahöld í tilefni 200 ára afmælis Jóns Sigurðssonar og mögulegt samstarf í samhengi beggja þessara tilefna. Sérstaklega var rætt um mögulega sýningu í tengslum við þessa viðburði sem sett yrði upp í Pekingháskóla.

Pekingháskóli hefur löngum verið miðstöð í menningarsamstarfi þjóðanna en þar hafa margir íslenskir námsmenn lært kínverskt mál og málþing og fundir verið haldnir um íslenskar bókmenntir. Fulltrúar skólans, prófessorar í samanburðarbókmenntum og þjóðbókmenntum, töluðu af þekkingu um íslenska sögu og voru hugmyndir um samstarf á sérstökum menningarviðburðum skólans reifaðar.


Allar fréttir

Íslensku bókahönnunarverðlaunin 2025: Tilnefningar - 19. nóvember, 2025 Fréttir

Tilkynnt hefur verið um tilnefningar til Íslensku bókahönnunarverðlaunanna 2025 en það eru Félag íslenskra bókaútgefanda (FÍBÚT) og Félag íslenskra teiknara (FÍT) sem standa að verðlaununum.

Nánar

Þjóðin ver að jafnaði 59 mínútum á dag í lestur samanborið við 69 mínútur fyrir tveimur árum - 13. nóvember, 2025 Fréttir

Í nýrri könnun á lestrarhegðun þjóðarinnar kemur fram að Íslendingar lesa/hlusta að jafnaði 2,3 bækur á mánuði. Tölurnar sýna einnig að dregið hefur úr lestri bóka á öllum formum, þ.e. hefðbundinna bóka, raf- og hljóðbóka. 

Nánar

46 styrkir veittir til þýðinga íslenskra verka - mikill áhugi í Danmörku og Frakklandi - 29. október, 2025 Fréttir

Miðstöð íslenskra bókmennta veitir tvisvar á ári styrki til þýðinga íslenskra bóka á erlend mál. 50 umsóknir bárust í þessari síðari úthlutun ársins og veittir voru 33 styrkir. Þá voru veittir 13 styrkir til norrænna þýðinga.

Nánar

Allar fréttir