Sögulegur sáttafundur
Á Bókasýningunni í dag átti sér stað hjartnæm stund þar sem Horst Korske, loftskeytamaður þýska kafbátsins sem sökkti Goðafossi þann 10. nóvember árið 1944, og Sigurður Guðmundsson, háseti Goðafoss, mættust á sáttafundi.
Á Bókasýningunni í dag átti sér stað hjartnæm stund þar sem Horst Korske, loftskeytamaður þýska kafbátsins sem sökkti Goðafossi þann 10. nóvember árið 1944, og Sigurður Guðmundsson, háseti Goðafoss þegar árásin átti sér stað, mættust á sáttafundi.
„Ég hef átt margar andvökunætur yfir þessum hræðilega atuburði,“ segir Korske. „Maður hugsar: Hvað hef ég gert rangt? Maður varð að fylgja skipunum. Ég var ungur þá. Og í dag kemur allt upp aftur. Núna get ég verið rólegri eftir að hafa hitt Sigurð og rætt við hann, mér líður betur. Þetta var mjög miklvæg stund fyrir mig.“
„Maður var svo ungur þegar þetta skeði, maður kunni ekki að hræðast,“ segir Sigurður Guðmundsson. „Mér fannst hann vera hálf smeykur og kvíðinn yfir að hitta mig, en ég hata hann ekki.“
Þýsk útgáfa bókarinnar Útkall – Árás á Goðafoss, eftir Óttar Sveinsson, kom út fyrir skömmu, og var fundurinn haldin til kynningar á henni.