Tilnefningar Bókmenntaverðlauna Norðurlandaráðs

1. desember, 2011

Bergsveinn Birgisson og Gerður Kristný tilnefnd til Bókmenntaverðlauna Norðurlandaráðs 2012.

Gerður Kristný og Bergsveinn BirgissonBækur Bergsveins Birgissonar, Svar við bréfi Helgu, og Gerðar Kristnýjar, Blóðhófnir, hljóta tilnefningu til Bókmenntaverðlauna Norðurlandaráðs 2012.

Dómnefnd mun velja verðlaunahafann á fundi í Reykjavík vorið 2012. Verðlaunin, sem nema 350.000 dönskum krónum, verða að lokum afhent í nóvember 2012, á Norðurlandaráðsþingi í Helsinki.

Bókmenntaverðlaun Norðurlandaráðs voru sett á laggirnar 1961 og verður hálfrar aldar afmæli verðlananna minnst með ýmsum hætti það sem eftir lifir ársins 2011 og út árið 2012.

Allar fréttir

Nanna Rögnvaldardóttir hlýtur Barnabókaverðlaun Guðrúnar Helgadóttur í ár - 4. september, 2025 Fréttir

Flóttinn á norðurhjarann fjallar um mæðgur sem þurfa að flýja erfiðar aðstæður og takast á við margar hindranir í leit sinni að betra lífi. Söguhetjan er stelpa sem í upphafi sögu er tólf ára gömul og sagan er alfarið sögð frá hennar sjónarhorni sem gerir lesendum auðveldara að setja sig í hennar spor. Sagan gerist undir lok 18. aldar í kjölfar Móðuharðindanna og margvíslegra erfiðleika af þeirra sökum.

Nánar

Ást, losti og dramatík eru þemu bókamessunnar í Gautaborg í ár - 1. september, 2025 Fréttir

Eiríkur Örn Norðdahl og Yrsa Sigurðardóttir taka þátt í viðburðum á bókamessunni í Gautaborg í ár.  Leikritun og leikritaskrif eru einnig í kastljósinu á hátíðinni og leikskáldin Birgir Jón Sigurðsson og Hrafnhildur Hagalín segja frá verkum sínum, sköpunarferli og íslenskri leikhúsmenningu. 

Nánar

Upplýsingar um allar íslenskar bækur á frönsku og sænsku aðgengilegar - 19. ágúst, 2025 Fréttir

Dr. Hanna Steinunn Þorleifsdóttir, fyrrum yfirmaður norrænu deildarinnar við háskólann í Caen í Frakklandi heldur úti athyglisverðum vef með upplýsingum um allar þýðingar sem komið hafa út á frönsku og  John Swedenmark þýðandi hefur haft veg og vanda af sambærilegum  sænskum vef samvinnu við íslenska sendiráðið í Stokkhólmi og fleiri.

Nánar

Allar fréttir