Fagurfræði Guðbergs á ensku

25. janúar, 2012

Bók Birnu Bjarnadóttur, Holdið hemur andann: um fagurfræði í skáldskap Guðbergs Bergssonar, kemur út í enskri þýðingu í febrúar.

Recesses of the Mind - Guðbergur Bergsson

Bók Birnu Bjarnadóttur Holdið hemur andann: um fagurfræði í skáldskap Guðbergs Bergssonar kemur út í enskri þýðingu í febrúar á vegum hins virta háskólaforlags McGill Queen‘s University Press í Montréal.

Ensk þýðing bókarinnar ber heitið Recesses of the Mind: Aesthetics in the Work of Guðbergur Bergsson og markar útgáfa hennar spor í aukinni þekkingu á verkum Guðbergs erlendis. Bókin er brautryðjendaverk í rannsóknum á höfundarverki Guðbergs Bergssonar. Í ritinu er fagurfræði verka hans lesin í samræðu við erlenda fræðimenn og vestræna frásagnarhefð og hugmyndasögu.

Birna Bjarnadóttir lauk doktorsprófi í fagurfræði nútímabókmennta frá Háskóla Íslands. Hún starfar nú við íslenskudeild Manitóbaháskóla og hefur veitt deildinni forstöðu frá árinu 2006.


Tengd umfjöllun:

Bók mánaðarins: Missir eftir Guðberg Bergsson.

Allar fréttir

Nanna Rögnvaldardóttir hlýtur Barnabókaverðlaun Guðrúnar Helgadóttur í ár - 4. september, 2025 Fréttir

Flóttinn á norðurhjarann fjallar um mæðgur sem þurfa að flýja erfiðar aðstæður og takast á við margar hindranir í leit sinni að betra lífi. Söguhetjan er stelpa sem í upphafi sögu er tólf ára gömul og sagan er alfarið sögð frá hennar sjónarhorni sem gerir lesendum auðveldara að setja sig í hennar spor. Sagan gerist undir lok 18. aldar í kjölfar Móðuharðindanna og margvíslegra erfiðleika af þeirra sökum.

Nánar

Ást, losti og dramatík eru þemu bókamessunnar í Gautaborg í ár - 1. september, 2025 Fréttir

Eiríkur Örn Norðdahl og Yrsa Sigurðardóttir taka þátt í viðburðum á bókamessunni í Gautaborg í ár.  Leikritun og leikritaskrif eru einnig í kastljósinu á hátíðinni og leikskáldin Birgir Jón Sigurðsson og Hrafnhildur Hagalín segja frá verkum sínum, sköpunarferli og íslenskri leikhúsmenningu. 

Nánar

Upplýsingar um allar íslenskar bækur á frönsku og sænsku aðgengilegar - 19. ágúst, 2025 Fréttir

Dr. Hanna Steinunn Þorleifsdóttir, fyrrum yfirmaður norrænu deildarinnar við háskólann í Caen í Frakklandi heldur úti athyglisverðum vef með upplýsingum um allar þýðingar sem komið hafa út á frönsku og  John Swedenmark þýðandi hefur haft veg og vanda af sambærilegum  sænskum vef samvinnu við íslenska sendiráðið í Stokkhólmi og fleiri.

Nánar

Allar fréttir