Sögueyjan hlýtur gullverðlaun þýska bókamarkaðarins

16. mars, 2012

Sögueyjan fær þýsku bókamarkaðsverðlaunin sem afhent voru við hátíðlega athöfn á Bókasýningunni í Leipzig.

Föstudaginn 16. mars tók Sögueyjan á móti þýsku bókamarkaðsverðlaununum, BuchMarkt-Award, sem afhent voru við hátíðlega athöfn á Bókasýningunni í Leipzig.

PavillionVerðlaunin eru veitt fyrir best heppnaða markaðsstarfið  á þýskum bókamarkaði árið 2011. Það er fagblaðið BuchMarkt sem stendur að verðlaununum, í samvinnu við Bókasýninguna í Leipzig, stórblaðið Die Welt og Mohn media, sem er hluti Bertelsmann samsteypunnar. Verðlaunin eru veitt í nokkrum flokkum og eru ýmist gull, silfur eða brons.

Að þessu sinni voru veitt alls 19 verðlaun, en aðeins tvenn gullverðlaun, og komu önnur þeirra í hlut Sögueyjunnar. Þótti framganga Íslands í Frankfurt sérlega vel heppnuð, en þess má geta að Saga Film hannaði íslenska skálann en Fíton sá um útlit verkefnisins að öðru leyti.

Verkefnisstjóri Sögueyjunnar, Halldór Guðmundsson, veitti verðlaununum viðtöku að viðstöddum sendiherra Íslands í Þýskalandi, Gunnari Snorra Gunnarssyni, auk fjölmargra annarra gesta.

 


Allar fréttir

Íslensku bókahönnunarverðlaunin 2025: Tilnefningar - 19. nóvember, 2025 Fréttir

Tilkynnt hefur verið um tilnefningar til Íslensku bókahönnunarverðlaunanna 2025 en það eru Félag íslenskra bókaútgefanda (FÍBÚT) og Félag íslenskra teiknara (FÍT) sem standa að verðlaununum.

Nánar

Þjóðin ver að jafnaði 59 mínútum á dag í lestur samanborið við 69 mínútur fyrir tveimur árum - 13. nóvember, 2025 Fréttir

Í nýrri könnun á lestrarhegðun þjóðarinnar kemur fram að Íslendingar lesa/hlusta að jafnaði 2,3 bækur á mánuði. Tölurnar sýna einnig að dregið hefur úr lestri bóka á öllum formum, þ.e. hefðbundinna bóka, raf- og hljóðbóka. 

Nánar

46 styrkir veittir til þýðinga íslenskra verka - mikill áhugi í Danmörku og Frakklandi - 29. október, 2025 Fréttir

Miðstöð íslenskra bókmennta veitir tvisvar á ári styrki til þýðinga íslenskra bóka á erlend mál. 50 umsóknir bárust í þessari síðari úthlutun ársins og veittir voru 33 styrkir. Þá voru veittir 13 styrkir til norrænna þýðinga.

Nánar

Allar fréttir