Allt er gott sem endar vel…..
Sendiherrann, bók Braga Ólafssonar, komin út á þýsku hjá S. Fischer forlaginu
Bók Braga Ólafssonar Sendiherrann er nú komin út á þýsku en það er S. Fischer forlagið sem gefur hana út í þýðingu Tinu Flecken. Sendiherrann eða Der Botschafter er önnur bók Braga sem kemur út á þýsku, sú fyrri Gæludýrin eða Haustiere, kom út árið 2005.
Sagan segir af íslenska ljóðskáldinu Sturlu Jóni Jónssyni og lýsir glímu hans við hinn miður ljóðræna raunveruleika, en einnig baráttu hans við glæpamanninn sem býr í okkur öllum. Hinn menningarlegi sendiherra lands síns þarf að bregðast við óvæntum áföllum á erlendri grund, en einnig gleðilegum eins og kynnunum af skáldkonunni Liliyu Boguinskaia, og hann þarf að kljást við þá ógn sem hans eigin sköpun hefur í för með sér – þau þungu sannindi að til að vera við sjálf þurfum við að stela frá öðrum.