Ný skrifstofa, netfang, vefsíða, Twitter og Facebook
Skrifstofa Miðstöðvar íslenskra bókmennta flutti í nýtt húsnæði 1. júlí síðastliðinn og mun framvegis deila húsnæði meðKvikmyndamiðstöð Íslands að Hverfisgötu 54 í Reykjavík. Ný vefsíða og vefslóð er komin í loftið auk þess sem nýtt netfang hefur verið tekið í notkun: islit@islit.is. Einnig er hægt að finna Miðstöðina á samskiptamiðlunum Facebook og Twitter.
Ný Miðstöð íslenskra bókmennta
Í upphafi árs 2013 var Miðstöð íslenskra bókmennta stofnuð samkvæmt lögum frá Alþingi. Miðstöðin tók þá við hlutverki Bókmenntasjóðs og bókmenntakynningarverkefnisins Sögueyjunnar Íslands sem sá um undirbúning og framkvæmd þegar Ísland var heiðursgestur á stærstu bókamessu heims í Frankfurt í Þýskalandi árið 2011.
Hlutverk Miðstöðvarinnar er að efla bókmenningu á Íslandi m.a. með því að veita styrki til útgáfu íslenskra ritverka og þýðinga erlendra bókmennta á íslensku. Jafnframt er hlutverk Miðstöðvarinnar að kynna íslenskar bókmenntir hér á landi og erlendis og stuðla að aukinni útbreiðslu þeirra.