YAIC - You are in Control ráðstefnan haldin í sjötta sinn 28. – 30. október
Alþjóðlega ráðstefnan YAIC - You Are in Control verður haldin í sjötta sinni dagana 28. – 30. október í Bíó Paradís við Hverfisgötu í Reykjavík. Ráðstefnan er að þessu sinni haldin dagana fyrir hina geysivinsælu tónlistarhátíð Icelandic Airwaves.
Alþjóðlega ráðstefnan YAIC - You Are In Control verður haldin í sjötta sinni dagana 28. – 30. október í Bíó Paradís við Hverfisgötu í Reykjavík. Ráðstefnan er að þessu sinni haldin dagana fyrir hina geysivinsælu tónlistarhátíð Iceland Airwaves. YAIC er þverfaglegur vettvangur skapandi greina og snertir ráðstefnan marga fleti innan skapandi greina, allt frá matarlist, bókmenntum, stafrænni list, hönnun og tónlist, til kvikmynda, tölvuleikja, stefnu og fjárfestinga í greininni. Verður sjónum meðal annars beint að nýjungum, spennandi skörun greina og brýnum vandamálum sem blasa við. Á meðal gesta í ár verða Robert Foster (The Go-Betweens, Ástralíu), Kristen Harrison (Bretlandi / Berlín, The Curved House), Seth Jackson (Strange Thoughts, Bretlandi), Julia Payne (Bretlandi, the hub), Oliver Luckett, (Bretlandi, TheAudience), Ingi Rafn Sigurdsson (Karolina Fund) og Frosti Gnarr (Frosti Gnarr Studio / Grotta Zine).
Athugið að til 1. október bjóðast miðar á ráðstefnuna á aðeins 15.000 krónur. Frekari upplýsingar má finna á heimsíðu YAIC.
Íslandsstofa heldur utan um skipulag YAIC í samstarfi við Miðstöð íslenskra bókmennta, Útflutningsskrifstofu íslenskrar tónlistar, Hönnunarmiðstöð, Kynningarmiðstöð Íslenskrar Myndlistar, Kvikmyndamiðstöð, Samtök íslenskra leikjaframleiðanda, Leiklistasamband Íslands og Íslensku tónverkamiðstöðina.