Bókalíf í borginni í október

Lestrarhátíð í Reykjavík í október – Ljóð í leiðinni / Iceland Airwords á Iceland Airwaves í lok október.

21. október, 2013

Lestrarhátíð í Reykjavík í október – Ljóð í leiðinni.

Iceland Airwords á Iceland Airwaves í Kaldalónssal Hörpu 31. október.

Lestrarhátíðin - Ljóð í leiðinni - stendur nú sem hæst, en þetta er í annað sinn sem októbermánuður í Reykjavík er helgaður lestri. Reykjavík Bókmenntaborg UNESCO hefur veg og vanda af hátíðinni. Á lestrarhátíðinni er borgin í brennidepli í öllum sínum fjölbreyttu myndum og sá aragrúi ljóða og söngtexta sem hafa verið skrifaðir um hana. Forlagið Meðgönguljóð er sérlegur samstarfsaðili að hátíðinni og hefur gefið út ljóðabókina Ljóð í leiðinni: Skáld um Reykjavík. Bókin inniheldur 27 ljóð um borgina eftir jafn mörg skáld. Flest ljóðin eru ný og samin í tilefni hátíðarinnar, en einnig eru nokkur eldri ljóð í bókinni. Bókin er einnig gefin út sem rafbók hjá eBókum. Hér má nálgast frekari upplýsingar um dagskrá hátíðarinnar.

Tónlistarhátíðin Iceland Airwaves býður nú í fyrsta sinn upp á sérstaka bókmenntadagskrá sem kallast Iceland Airwords og verður haldin í Kaldalónssal Hörpu 31. október. Það munu koma fram íslensk og erlend skáld og tónlistarmenn, sjá dagskrá hér fyrir neðan:

19:45 AUÐUR AVA ÓLAFSDÓTTIR

20:00 KRISTÍN ÓMARSDÓTTIR

20:15 ELÍN EY

21:00 HALLGRÍMUR HELGASON

21:20 ROBERT FORSTER (AU)

22:30 ANDRI SNÆR MAGNASON

22:45 RYAN BOUDINOT (US)

23:00 EMPRESS OF (US)

Allar fréttir

Nanna Rögnvaldardóttir hlýtur Barnabókaverðlaun Guðrúnar Helgadóttur í ár - 4. september, 2025 Fréttir

Flóttinn á norðurhjarann fjallar um mæðgur sem þurfa að flýja erfiðar aðstæður og takast á við margar hindranir í leit sinni að betra lífi. Söguhetjan er stelpa sem í upphafi sögu er tólf ára gömul og sagan er alfarið sögð frá hennar sjónarhorni sem gerir lesendum auðveldara að setja sig í hennar spor. Sagan gerist undir lok 18. aldar í kjölfar Móðuharðindanna og margvíslegra erfiðleika af þeirra sökum.

Nánar

Ást, losti og dramatík eru þemu bókamessunnar í Gautaborg í ár - 1. september, 2025 Fréttir

Eiríkur Örn Norðdahl og Yrsa Sigurðardóttir taka þátt í viðburðum á bókamessunni í Gautaborg í ár. Leikritun og leikritaskrif eru einnig í kastljósinu á hátíðinni og leikskáldin Birgir Jón Sigurðsson og Hrafnhildur Hagalín segja frá verkum sínum, sköpunarferli og íslenskri leikhúsmenningu.

Nánar

Upplýsingar um allar íslenskar bækur á frönsku og sænsku aðgengilegar - 19. ágúst, 2025 Fréttir

Dr. Hanna Steinunn Þorleifsdóttir, fyrrum yfirmaður norrænu deildarinnar við háskólann í Caen í Frakklandi heldur úti athyglisverðum vef með upplýsingum um allar þýðingar sem komið hafa út á frönsku og John Swedenmark þýðandi hefur haft veg og vanda af sambærilegum sænskum vef samvinnu við íslenska sendiráðið í Stokkhólmi og fleiri.

Nánar

Allar fréttir