YAIC 2013 í Bíó Paradís 28. – 30. október
Ráðstefna þar sem saman koma fulltrúar skapandi greina og ræða spennandi nýjungar og skörun greinanna.
Ráðstefna þar sem saman koma fulltrúar skapandi greina og ræða spennandi nýjungar og skörun greinanna.
You are in Control er árleg ráðstefna þar sem listamenn, listrænt fólk, fólk starfandi í skapandi greinum og allir áhugasamir hittast og deila hugmyndum sínum og reynslu. Skapandi greinar þurfa oft aðeins öðruvísi nálgun þegar kemur að vinnulagi, markaðssetningu og rekstri fyrirtækja í greininni, og ráðstefnan býður upp á samvinnuvettvang fyrir þær.
Fyrirlesarar eru sérfræðingar á sínu sviði og gefa ráðstefnugestum innsýn í vinnuhætti sína. Vinnustofur um valin málefni verða haldnar þar sem hvatt er til opinnar umræðu og skoðanaskipta.
Ráðstefnan er að þessu sinni haldin dagana fyrir hina geysivinsælu tónlistarhátíð Iceland Airwaves. YAIC er þverfaglegur vettvangur skapandi greina og snertir ráðstefnan marga fleti innan skapandi greina, allt frá matarlist, bókmenntum, stafrænni list, hönnun og tónlist, til kvikmynda, tölvuleikja, stefnu og fjárfestinga í greininni. Verður sjónum meðal annars beint að nýjungum, spennandi skörun greina og brýnum vandamálum sem blasa við.
Meðal gesta í ár verða Robert Foster (The Go-Betweens, Ástralíu), Kristen Harrison (Bretlandi / Berlín, The Curved House), Seth Jackson (Strange Thoughts, Bretlandi), Julia Payne (Bretlandi, the hub), Oliver Luckett, (Bretlandi, TheAudience), Ingi Rafn Sigurdsson (Karolina Fund) og Frosti Gnarr (Frosti Gnarr Studio / Grotta Zine).
Íslandsstofa heldur utan um skipulag YAIC í samstarfi við Miðstöð íslenskra bókmennta, Útflutningsskrifstofu íslenskrar tónlistar, Hönnunarmiðstöð, Kynningarmiðstöð íslenskrar myndlistar, Kvikmyndamiðstöð, Samtök íslenskra leikjaframleiðanda, Leiklistasamband Íslands og Íslensku tónverkamiðstöðina. Upplýsingar um YAIC er hægt að nálgast hér: youareincontrol.is