Bókamessa í Bókmenntaborg haldin í þriðja sinn í Ráðhúsi Reykjavíkur

Bókamessa í Bókmenntaborg verður haldin um helgina í þriðja sinn.

22. nóvember, 2013

Bókamessa í Bókmenntaborg verður haldin í Ráðhúsi Reykjavíkjur laugardag og sunnudag frá kl. 12-18.


Dagana 23.-24. nóvember 2013 verður Bókamessa í Bókmenntaborg haldin í þriðja sinn. Messan verður sem fyrr í Ráðhúsi Reykjavíkur þar sem útgefendur sýna og selja nýjar bækur og boðið verður upp á fjölbreytta bókmenntadagskrá. 

Húsið verður opið frá kl. 12:00 – 18:00 báða dagana.

Þórarinn EldjárnSigrún Eldjárn

Meðal þess sem finna má í fjölbreyttri dagskránni um helgina er sögustund fyrir börn og fylgdarfólk frá kl. 14:00 – 16:00 á laugardeginum þar sem m.a. systkinin Þórarinn og Sigrún Eldjárn lesa úr verkum sínum. 

Auk þess er gestum boðið að skrifa texta eftir handriti úr fórum Árna Magnússonar, en í ár eru 350 ár liðin frá fæðingu þessa merka handritasafnara. Í lok helgarinnar verður dregið úr blöðum sem gestir skila í kassa á messunni og Bókaútgáfan Opna verðlaunar heppna þátttakendur. Opna gefur út bókina 66 handrit úr fórum Árna Magnússonar í samvinnu við Stofnun Árna Magnússonar í íslenskum fræðum. 


Allar fréttir

Nanna Rögnvaldardóttir hlýtur Barnabókaverðlaun Guðrúnar Helgadóttur í ár - 4. september, 2025 Fréttir

Flóttinn á norðurhjarann fjallar um mæðgur sem þurfa að flýja erfiðar aðstæður og takast á við margar hindranir í leit sinni að betra lífi. Söguhetjan er stelpa sem í upphafi sögu er tólf ára gömul og sagan er alfarið sögð frá hennar sjónarhorni sem gerir lesendum auðveldara að setja sig í hennar spor. Sagan gerist undir lok 18. aldar í kjölfar Móðuharðindanna og margvíslegra erfiðleika af þeirra sökum.

Nánar

Ást, losti og dramatík eru þemu bókamessunnar í Gautaborg í ár - 1. september, 2025 Fréttir

Eiríkur Örn Norðdahl og Yrsa Sigurðardóttir taka þátt í viðburðum á bókamessunni í Gautaborg í ár.  Leikritun og leikritaskrif eru einnig í kastljósinu á hátíðinni og leikskáldin Birgir Jón Sigurðsson og Hrafnhildur Hagalín segja frá verkum sínum, sköpunarferli og íslenskri leikhúsmenningu. 

Nánar

Upplýsingar um allar íslenskar bækur á frönsku og sænsku aðgengilegar - 19. ágúst, 2025 Fréttir

Dr. Hanna Steinunn Þorleifsdóttir, fyrrum yfirmaður norrænu deildarinnar við háskólann í Caen í Frakklandi heldur úti athyglisverðum vef með upplýsingum um allar þýðingar sem komið hafa út á frönsku og  John Swedenmark þýðandi hefur haft veg og vanda af sambærilegum  sænskum vef samvinnu við íslenska sendiráðið í Stokkhólmi og fleiri.

Nánar

Allar fréttir