Bettý og Afleggjarinn á meðal sjö bóka í sérstakri seríu metsölubóka í Frakklandi, POINTS D'OR
Verkin sjö eiga það sameiginlegt að vera metsölubækur og hafa áður selst í yfir 300.000 eintökum í Frakklandi.
Bettý eftir Arnald Indriðason í þýðingu Patrick Guelpa og Afleggjarinn eftir Auði Övu Ólafsdóttur í þýðingu Catherine Eyjólfsson, eru á meðal sjö verka eftir jafnmarga höfunda sem nýlega komu út í Frakklandi í sérstakri seríu metsölubóka, POINTS D'OR.
Verkin sjö eiga það sameiginlegt að vera metsölubækur og hafa áður selst í yfir 300.000 eintökum í Frakklandi. Á meðal annarra höfunda í hópnum eru John Irving, Henning Mankell og Hugh Laurie.
Tvær skáldsögur hafa komið út eftir Auði Övu Ólafsdóttur á frönsku og á annan tug verka eftir Arnald Indriðason, en bækur hans hafa selst í samtals 2,5 milljónum eintaka í Frakklandi.