Bókmenntaverðlaun Norðurlandaráðs í Norræna húsið
Embættisnefnd á vegum Norrænu ráðherranefndarinnar ákvað á fundi sínum 11. september 2014 að skrifstofa Bókmenntaverðlauna Norðurlandaráðs verði hér eftir í Norræna húsinu í Reykjavík.
Embættisnefnd á vegum Norrænu ráðherranefndarinnar ákvað á fundi sínum 11. september 2014 að skrifstofa Bókmenntaverðlauna Norðurlandaráðs verði hér eftir í Norræna húsinu í Reykjavík. Skrifstofan hefur umsjón með verðlaununum í samstarfi við norræna dómnefnd þeirra.
Embættisnefnd á vegum Norrænu ráðherranefndarinnar ákvað á fundi sínum 11. september 2014 að skrifstofa Bókmenntaverðlauna Norðurlandaráðs verði hér eftir í Norræna húsinu í Reykjavík. Skrifstofan hefur umsjón með verðlaununum í samstarfi við norræna dómnefnd þeirra.
Bókmenntaverðlaun Norðurlandaráðs eru meðal þekktustu og virtustu bókmenntaverðlauna heims sem veitt eru innan afmarkaðra tungumálasvæða og skipa sér þar í flokk verðlauna eins og Booker-verðlaunanna sem veitt eru á engilsaxnesku málsvæði og Goncourt-verðlaunanna frönsku.
Bókmenntaverðlaun Norðurlandaráðs hafa verið veitt árlega síðan 1962 bókmenntaverki skrifuðu á einu norrænu tungumálanna. Meðal höfunda sigurverkanna eru margir af fremstu rithöfundum Norðurlandanna á undanförnum áratugum. Íslensk verk hafa sjö sinnum hlotið Bókmenntaverðlaun Norðurlandaráðs.
Norræna húsið í Reykjavík mun því héðan í frá annast daglega umsjón beggja Bókmenntaverðlauna Norðurlandaráðs en fyrir er í húsinu skrifstofa Barna- og unglingabókmenntaverðlauna Norðurlandaráðs.
Þetta er mikil alþjóðleg viðurkenning á bókmenntastarfsemi Norræna hússins og styrkir enn stöðu hússins sem norrænnar bókmenntamiðstöðvar.
Norræna húsið hefur frá upphafi verið í leiðandi hlutverki í bókmenntalífi Íslendinga. Það er stofnaðili og vettvangur tveggja stærstu bókmenntahátíða landsins: Bókmenntahátíðar í Reykjavík og Mýrarinnar - alþjóðlegrar barna- og unglingabókmenntahátíðar í Reykjavík. Í Norræna húsinu er stærsta bókasafn sinnar tegundar á Norðurlöndum og húsið hefur nú yfirumsjón með sérstöku átaki Norrænu ráðherranefndarinnar um barna- og unglingabókmenntir. Norræna húsið stendur auk þess fyrir fjölda stakra bókmenntaviðburða allt árið um kring.
Fjórir íslenskir höfunda eru tilnefndir í ár til Norrænu bókmenntaverðlaunanna í báðum flokkum. Þetta eru Auður Jónsdóttir, Eiríkur Örn Norðdahl, Lani Yamamoto og Andri Snær Magnason. Tilkynnt verður um hverjir hljóta verðlaunin í ár þann 29. október í ráðhúsinu í Stokkhólmi í Svíþjóð.
Frétt af heimsíðu Norræna hússins í Reykjavík.
Bókmenntahátíðir framundan
Art in Translation – Alþjóðleg ráðstefna um listir og tungumál 18.-20. september.
Art in Translation er ráðstefna um tungumál og listir sem nú er haldin í Reykjavík í þriðja skipti. Heiðursgestur ráðstefnunnar í ár er bandaríski rithöfundurinn Amy Tan, en hún mun koma fram í dagskrá ráðstefnunnar í Hörpu föstudaginn 20. september. Frekari upplýsingar um ráðstefnuna má finna á heimasíðu Art in Translation.
Alþjóðlega barnabókmenntahátíðin Mýrin 9.-12. október.
Páfugl úti í mýri 2014
Páfugl úti í mýri er alþjóðleg barnabókmenntahátíð sem fer fram 9.-12. október 2014 og á henni koma fram á fjórða tug íslenskra og erlendra rithöfunda. Stór sýning byggð á norrænum barnabókmenntum er haldin í tengslum við hátíðina og stendur yfir í sjö vikur. Á hátíðinni verður einnig haldið málþing um framtíð barnabókmennta. Frekari upplýsingar má finna á heimasíðu Mýrarinnar.