Svartfugl Gunnars Gunnarssonar kominn út í nýrri þýskri þýðingu

27. október, 2009

Reclam forlagið í Þýskalandi hefur nú gefið út eitt þekktasta verk Gunnars Gunnarssonar Svartfugl (1929) í nýrri og endurskoðaðri þýðingu Karl Ludwig Wetzig. Bókin var skrifuð þegar skáldið var á hátindi ferilsins, á árunum 1923-1933, en á því tímabili komu frá honum stærstu verk hans: Fjallkirkjan, Sælir eru einfaldir og Vikivaki. Svartfugl er söguleg skáldsaga sem tekur til skoðunar eitt þekktasta sakamál í sögu Íslands, morðin sem framin voru á bænum Sjöundá á Rauðasandi árið 1802.